ডিজিটেল ডেস্কঃ সৰিয়হৰ ডুলিতে ওলাইছে ভূত!আৰক্ষীয়ে জব্দ কৰা সুৰাৰ বটল চুৰি কৰাৰ অভিযোগ উত্থাপন হৈছে স্বয়ং থানাৰ এজন আৰক্ষী বিষয়া আৰু কনিষ্টবলৰ বিৰুদ্ধে। অভিযোগ অনুসৰি জব্দ কৰা সুৰাখিনি থানাত মজুত কৰি ৰখা ঠাইৰ পৰা কেইবাটাও বটল উলিয়াই অনা হৈছে। এই ঘটনাত থানাৰ সহকাৰী উপ-পৰিদৰ্শক আৰু আন চাৰিজন কনিষ্টবলক গ্ৰেপ্তাৰ কৰা হৈছে।
গুজৰাটৰ মহিসাগৰ জিলাত সংঘটিত হৈছে এই ঘটনা। কেৱল সুৰাৰ বটলেই নহয়, থানাৰ পৰা টেবুল ফেন চুৰি হোৱাৰ অভিযোগ উত্থাপন হৈছে। ইতিমধ্যে চোৰৰ কবলৰ পৰা আৰক্ষীয়ে সুৰা আৰু ফেন জব্দ কৰিছে৷
জব্দ কৰা সামগ্ৰীসমূহৰ পৰা মুঠ ১২৫টা সুৰাৰ বটল আৰু ১৫খন ফেন সংগ্ৰহ কৰা হয়। থানাৰ চিচিটিভি ফুটেজৰ আৰু অন্যান্য বিষয়ৰ তদন্ত কৰি কনিষ্টবল আৰু এএছআইক গ্ৰেপ্তাৰ কৰে।
উপ-অধীক্ষক পি এছ ভালবিয়ে সংবাদ সংস্থা পিটিআইক জনোৱা মতে, জব্দ কৰা সামগ্ৰীসমূহ থানাত মহিলা লক-আপত মজুত কৰি ৰাখিছিল।ভাৰতত নিৰ্মিত বিদেশী সুৰা সৰবৰাহ কৰিবলৈ এজন ব্যক্তিয়ে চেষ্টা চলাইছিল। সেই সুৰা তেওঁ বাহিৰৰ পৰা গুজৰাটলৈ লৈ আহিছিল। সৰবৰাহকাৰীজনে মুঠ ৭৫ খন ফেনৰ বক্সৰ আঁৰত মদৰ বটল এটা লুকুৱাই আনিছিল। কিন্তু আৰক্ষীয়ে গ্ৰেপ্তাৰ কৰে।উদ্ধাৰ কৰা সামগ্ৰীখিনিৰ মুঠ বজাৰ মূল্য দুই লাখ টকাৰ ওপৰত।
Continue Reading
