আম্বানী সাম্ৰাজ্যৰ ৰাণীয়ে ভাল নাপায় সোণৰ অলংকাৰ! কিন্তু কিয়?

ডিজিটেল ডেস্কঃ ভাৰত তথা বিশ্বৰ অন্যতম ধনাঢ্য ব্যক্তি মুকেশ আম্বানীৰ নাম কেতিয়াও শুনা ব্যক্তি নাই বুলি কলেও বঢ়াই কোৱা নহ’ব নিশ্চয়! ৰিলায়েন্সৰ স্বত্বাধিকাৰী মুকেশ আম্বানী বিগত কেইটামান দশকত বিশ্বৰ আটাইতকৈ ধনাঢ্য ব্যক্তি হিচাপে বিবেচিত হৈ আহিছে। ইয়াৰোপৰি, মুকেশ আম্বানীৰ সমান্তৰালকৈ দেশজুৰি সমাদৃত নীতা আম্বানী। ‘ৰিলায়েন্স ফাউণ্ডেচন’, ‘ধীৰুভাই আম্বানী আন্তঃৰাষ্ট্ৰীয় বিদ্যালয়’ আৰু ‘ৰিলায়েন্স ইণ্ডাষ্ট্ৰি’ৰ সঞ্চালক নীতা আম্বানী। শেহতীয়াকৈ, প্ৰকাশিত তথ্য অনুসৰি, মুকেশ আম্বানীৰ বৰ্তমান সম্পদৰ পৰিমাণ প্ৰায় ৮২.৯ বিলিয়ন।

২০ বছৰ বয়সত ১৯৮৫ চনত মুকেশ আম্বানীৰ সৈতে বিবাহ পাশত আৱদ্ধ হৈছিল নীতা আম্বানী। তাৰপাছতেই সলনি হৈ গৈছে নীতা আম্বানীৰ জীৱনযাত্ৰা। আম্বানীৰ পৰিয়ালৰ কথা আলোচনাৰ প্ৰসংগলৈ আহিলেই সকলোৰে মনলৈ আছে বিলাসী ঘৰ, গাড়ী আৰু বিলাসী জীৱনৰ। নীতা আম্বানীৰ প্ৰাসাদো যেন সোণৰ খজাৰে  নিৰ্মিত! মুকেশ আম্বানীৰ দৰে নীতা আম্বানীৰ মাজতো দেখিবলৈ পোৱা যায় বিলাসী জীৱনৰ ছাঁ। আম্বানীৰ সাম্ৰাজ্যৰ ৰাণী এতিয়া হৈ পৰিছে চৰ্চাৰ কেন্দ্ৰবিন্দু। বিষয়টোক লৈ তুমুল চৰ্চা হৈছে ছ’চিয়েল মিডিয়াত। কথাটো শুনাৰ পাছত আচৰিত হৈ পৰিব আপুনিও। কাৰণ, আম্বানী পৰিয়াল আৰু ক’বলৈ ওলোৱা কথাৰ মাজত সামঞ্জস্য বিচাৰি নাপাব পাৰে আপুনি। জানিবলৈ পোৱা মতে, মুকেশ আম্বানীৰ পত্নীয়ে বিলাসী জীৱন যাপন কৰিলেও পৰিধান নকৰে  সোণৰ অলংকাৰ। নীতা আম্বানীয়ে কিয় সোণৰ গহনা পৰিধান নকৰে?

মন কৰিবলগীয়া যে, আম্বানী পৰিয়ালে বিভিন্ন বিদেশী ব্ৰেণ্ড বা ভাল বেষ্ট ইন ক্লাছ সামগ্ৰী ব্যৱহাৰ কৰে। নীতা আম্বানীও ইয়াৰ ব্যতিক্ৰম নহয়। পোছাকৰ পৰা আৰম্ভ কৰি হেণ্ডবেগখনলৈ, ছানগ্লাছৰ পৰা আদি কৰি ভৰিৰ জোতালৈকে সকলোবোৰ সামগ্ৰীয়ে অতি ব্যয়বহুল। অৱশ্যে, সোণৰ অলংকাৰ পৰিধান নকৰে নীতা আম্বানীয়ে। ইয়াৰ মূলতে হৈছে সোণৰ অলংকাৰ ভাল নাপায় আম্বানী পত্নীয়ে। সোণৰ পৰিৱৰ্তে মূল্যৱান হীৰা আৰু মুকুটাৰ নেকলেছ পিন্ধিবলৈ ভাল পায় নীতা আম্বানীয়ে। এই নেকলেছৰ মূল্য সোণতকৈ বহুত বেছি।