ডিজিটেল ডেস্কঃ ২০২১ চনত কাৰ্যভাৰ গ্ৰহণ কৰাৰ পিছত আমেৰিকাৰ ৰাষ্ট্ৰপতি জো বাইডেনে প্ৰথমবাৰৰ বাবে ছৌদি আৰৱ ভ্ৰমণ কৰিছিল। তাত তেওঁ জেদ্দা নিৰাপত্তা আৰু উন্নয়ন শীৰ্ষ সন্মিলনত অংশগ্ৰহণ কৰে। ইৰাকেও এই সন্মিলনত যোগদান কৰিছিল।
মন কৰিবলগীয়া যে, ছৌদি আৰব আৰু ইৰাণৰ মাজত দীৰ্ঘদিন ধৰি চলি আহিছে বিবাদ। গতিকে, ৰিয়াদৰ মূল উদ্দেশ্য আছিল আমেৰিকাৰ বাহিৰে আন যোগানকাৰীৰ পৰা বেলিষ্টিক মিছাইল ক্ৰয় কৰা। কাৰণ, আমেৰিকাই ছৌদি আৰৱক অস্ত্ৰ বিক্ৰী কৰা কমাই দিছিল তেতিয়াই।
ইফালে, ছৌদি আৰৱৰ বৈদেশিক মন্ত্ৰী ৰাজকুমাৰ ফৈছাল বিন ফাৰহান আল চৌদে কয় যে, যদি তেওঁৰ দেশে আমেৰিকাৰ পৰা সামৰিক সামগ্ৰী ক্ৰয় কৰাত ব্যৰ্থ হয় তেন্তে আন যিকোনো দেশৰ পৰা ক্ৰয় কৰিব।
চিএনএনৰ নিক ৰবাৰ্টছনৰ সৈতে হোৱা এক সাক্ষাৎকাৰত তেওঁ কয়, ৰাজ্যখনে আমেৰিকাক প্ৰতিৰক্ষা সঁজুলি ক্ৰয়ৰ ক্ষেত্ৰত এক মূল অংশীদাৰ হিচাপে গ্ৰহণ কৰি আহিছে।
আমেৰিকাৰ ৰাষ্ট্ৰপতি জো বাইডেনে চৌদি আৰৱ এৰি যোৱাৰ কেইঘণ্টামান পিছতে এই মন্তব্য কৰিছে ছৌদি আৰৱৰ বৈদেশিক মন্ত্ৰীগৰাকীয়ে।
Continue Reading
