--°C
Loading...
Listen to Article
2 min read
80%
ডিজিটেল ডেস্ক:  আমেৰিকাত তীব্ৰ মন্দাৱস্থাৰ আশংকাই গা কৰি উঠাত বিশ্বব্যাপী ষ্টক বিক্ৰী বৃদ্ধি পায় আৰু স্থানীয় ইকুইটিৰ মূল্য হ্ৰাস হোৱাৰ ফলত সোমবাৰে সৰ্বকালৰ সৰ্বনিম্ন স্তৰত উপনীত হয় ভাৰতীয় টকাৰ মূল্য৷ মাৰ্কিন ডলাৰৰ বিপৰীতে টকাৰ মূল্য ৰেকৰ্ড পূৰ্ণ ভাবে নিম্নতম ৮৩.৮২ টকালৈ পৰ্যবসিত হয়৷ 

পুৱা ১১:২০ বজালৈকে ইয়াৰ ট্ৰেডিং হৈছিল ৮৩.৮১২৫ত, যিটো শুকুৰবাৰে পূৰ্বৰ সমাপ্তি ৮৩.৭৫ ৰ তুলনাত প্ৰায় ০.১% হ্ৰাস পাইছে।ভাৰতীয় শ্বেয়াৰ বজাৰত লোকচানৰ সন্মুখীন হোৱাৰ সময়তে টকাৰ মূল্য হ্ৰাস পাই।দুয়োটা মানদণ্ডৰ সূচকাংকসমূহ- বিএছই চেন্সেক্স আৰু নিফ্টি ৫০ প্ৰায় ৩%কৈ হ্ৰাস পাইছে।
এছিয়াৰ শ্বেয়াৰ বজাৰসমূহ শুকুৰবাৰৰ আমেৰিকাৰ চাকৰিৰ হতাশাজনক প্ৰতিবেদনৰ পিছত সমগ্ৰ ব’ৰ্ডতে হ্ৰাস পাইছে।প্ৰতিবেদনত জুলাই মাহৰ নিবনুৱাৰ হাৰ অনাকাংক্ষিত ভাবে বৃদ্ধি পোৱাৰ কথা উল্লেখ কৰি অৰ্থনৈতিক দৃষ্টিভংগীক লৈ উদ্বেগ প্ৰকাশ কৰিছে।

ফেডাৰেল ৰিজাৰ্ভে সুতৰ হাৰ হ্ৰাস কৰাত বিলম্ব কৰাৰ সিদ্ধান্তই আমেৰিকাক অৰ্থনীতিক মন্দাৱস্থালৈ ঠেলি দিব পাৰে বুলি উদ্দেগ প্ৰকাশ কৰি বিনিয়োগকাৰীসকলে বিপদজনক সম্পত্তিৰ পৰা আঁতৰি আহিছে। এই সিদ্ধান্তক মুদ্ৰাস্ফীতিৰ বিৰুদ্ধে যুঁজ দিয়াৰ বহল প্ৰচেষ্টাৰ অংশ হিচাপে চাব পাৰি।

সোমবাৰে টকাৰ সমৰ্থনত ভাৰতীয় ৰিজাৰ্ভ বেংকে হস্তক্ষেপ কৰে। ব্যৱসায়ীসকলৰ মতে, সম্ভৱতঃ আৰ বি আইৰ হৈ স্থানীয় মুদ্ৰা সুস্থিৰ কৰিবলৈ চৰকাৰী বেংকসমূহক মাজে মাজে ডলাৰ বিক্ৰী কৰা দেখা গৈছে। ইফালে আমেৰিকান ডলাৰৰ সূচকাংক ০.৩% হ্ৰাস পাই ১০২.৮৫ত উপনীত হোৱাৰ বিপৰীতে এছিয়াৰ বেছিভাগ মুদ্ৰাই ০.৩%ৰ পৰা ২.২%ৰ ভিতৰত বৃদ্ধি পোৱা দেখা গৈছে।
আমেৰিকাৰ বণ্ডৰ প্ৰসাৰ তীব্ৰভাৱে হ্ৰাস পাইছে। দহ বছৰৰ ট্ৰেজাৰীৰ প্ৰসাৰ আঠ পইণ্টৰ ভিত্তিত ৩.৭১% লৈ হ্ৰাস হয়, যিটো ২০২৩ চনৰ জুলাই মাহৰ পিছত ইয়াৰ সৰ্বনিম্ন স্তৰ। শেহতীয়াকৈ ডি বি এছ বেংকে মত প্ৰকাশ কৰি কয় যে সম্ভাৱ্য অৰ্থনৈতিক মন্দাৱস্থাৰ বাবে বজাৰসমূহ ক্ৰমান্বয়ে চিন্তিত হৈ পৰিছে। বিশ্লেষক সকলে যথেষ্ট হাৰ কৰ্তনৰ ভৱিষ্যদ্বাণী কৰিছে যদিও তেওঁলোকৰ মতে এতিয়াৰ বাবে ৫০ পইণ্টৰ আধাৰত কৰ্তনেই যথেষ্ট হ’ব বুলিও মত প্ৰকাশ কৰে৷

FOLLOW US F
POPULAR
FEATURE
TRENDY
ইতিহাস ৰচি প্ৰথমবাৰৰ বাবে সুব্ৰত কাপ ফুটবলত চেম্পিয়ন অসমৰ ছোৱালী দল
নিৰাপত্তা বাহিনীৰ দ্বাৰা জম্মু-কাশ্মীৰৰ LoCত অনুপ্ৰৱেশৰ চেষ্টা ব্যৰ্থ, এনকাউণ্টাৰত নিহত দুই সন্ত্ৰাসবাদী
মৰিগাঁও অতিৰিক্ত আৰক্ষী অধীক্ষক সমীৰণ বৈশ্যৰ পত্নীৰ শোকাবহ মৃত্যু
ভূটানত পুনাটছাংচু-২ জলবিদ্যুৎ প্ৰকল্প সম্পূৰ্ণ, শক্তি ক্ষমতা ৪০ শতাংশলৈ বৃদ্ধি
ড° ভূপেন হাজৰিকা স্মাৰক ১০০ টকীয়া ৰূপৰ মুদ্ৰাৰ সবিশেষ প্রকাশ
'বনতাৰা'ৰ তদন্তৰ বাবে SIT গঠন উচ্চতম ন্যায়ালয়ৰ
ত্ৰিফলাৰ আছে আশ্বৰ্যকৰী গুণ! ই কেনেকৈ আপোনাৰ স্বাস্থ্য উন্নত কৰিব পাৰে জানো আহক
শিলচৰত মৰ্মান্তিক ঘটনা! পুত্ৰই কৰা অপৰাধ সহ্য কৰিব নোৱাৰি চৰম সিদ্ধান্ত পিতৃৰ
দেৰগাঁৱৰ জাফ্ৰিনা ৰহমানৰ মৃত্যু হত্যা নে আত্মহত্যা? অভিযুক্ত স্বামী আৰক্ষী বাবেই সাৰি যাব নেকি?
ৰাষ্ট্ৰপতি মেক্ৰনৰে প্ৰধানমন্ত্ৰী মোদীৰ বাৰ্তালাপ; ভাৰত-ফ্ৰান্সৰ কৌশলগত সহযোগিতা বৃদ্ধিত গুৰুত্ব
ৰাজ্যত এতিয়াৰ পৰা ১৮ বছৰৰ ওপৰৰ কোনো নাগৰিকে নতুনকৈ নাপাব আধাৰ কাৰ্ড
মুখ্যমন্ত্রী ফড়নবিছক সাক্ষাৎ ৰাজ থাকৰেৰ! মহাৰাষ্ট্ৰত পুনৰ ৰাজনৈতিক সমীকৰণ সলনিৰ সম্ভাৱনা
ভাৰত-পাকিস্তানৰ দ্বিপাক্ষিক খেল নহ'ব, আন্তঃৰাষ্ট্ৰীয় প্রতিযোগিতাত নতুন নীতি ঘোষণা ক্রীড়া মন্ত্ৰ্যালয়ৰ
নুমলীগড় শোধনাগাৰৰ বিৰুদ্ধে এন জি টিৰ গোচৰ