ডিজিটেল ডেস্কঃ পুনৰ বন্দুকধাৰীৰ গুলীবৰ্ষণত কঁপি উঠিল আমেৰিকা। দেশ খনৰ জৰ্জিয়াত বন্দুকধাৰীৰ গুলীবৰ্ষণত কমেও চাৰিজন লোকৰ মৃত্যু হৈছে। নিহত সকলৰ ভিতৰত এগৰাকী মহিলা আৰু তিনিজন পুৰুষ আছে বুলি আৰক্ষীয়ে প্ৰকাশ কৰিছে।
কিন্তু বন্দুকধাৰী লোকজনক এতিয়াও আটক কৰিব পৰা হোৱা নাই। আৰক্ষীয়ে দাবী কৰিছে যে তেওঁলোকে আক্ৰমণকাৰীজনক চিনাক্ত কৰিবলৈ সক্ষম হৈছে। ঘটনাটো জৰ্জিয়াৰ হেম্পটনত সংঘটিত হৈছে। স্থানীয় আৱাসিক এলেকাত বন্দুকধাৰী এজন যুৱকে হঠাতে গুলসীচালনা কৰিবলৈ আৰম্ভ কৰে। ফলত চাৰিগৰাকী লোক নিহত হয়।
হেম্পটনৰ আৰক্ষী প্ৰধানে কৈছে যে বিশেষ কাৰণত নিহতসকলৰ পৰিচয় এতিয়াও গোপনে ৰখা হৈছে। গুলীচালনাৰ আঁৰৰ উদ্দেশ্য কি আছিল সেই বিষয়ে আৰক্ষীয়েও কোনো তথ্য লাভ কৰিবলৈ সক্ষম হোৱা নাই । আক্ৰমণকাৰীজনক আন্দ্ৰে লংমোৰ বুলি চিনাক্ত কৰা হৈছে। তেওঁ সেই অঞ্চলটোৰে বাসিন্দা। চল্লিশ বছৰ বয়সৰ লোকজনে কিয় এনেদৰে গুলীচালনা কৰিলে সেয়া জানিব পৰা হোৱা নাই। আৰক্ষীয়ে জানিব পাৰিছে যে তেওঁ আটলাণ্টাৰ ফালে পলাই গৈছে।লোক জনৰ সন্ধানত অভিযান তীব্ৰতৰ কৰি তোলা হৈছে।
Continue Reading
