আমেৰিকাত ভাৰতীয় পৰিয়ালৰ কৰুণ মৃত্যু ; শিশুসহ ৪জনক মৃত অৱস্থাত উদ্ধাৰ

এনবিচি বে এৰিয়াৰ এক প্ৰতিবেদন অনুসৰি মৃত লোক দুজন হৈছে আনন্দ সুজিত হেনৰী (৪২), তেওঁৰ পত্নী এলিছ প্ৰিয়ংকা বেনজিগাৰ (৪০) আৰু তেওঁলোকৰ ৪ বছৰীয়া দুজন যমজ ল’ৰা।

ঘৰটোত আৰক্ষী বিষয়াসকল উপস্থিত হোৱাৰ লগে লগে বিষয়াসকলে বলপূৰ্বক প্ৰৱেশৰ কোনো চিহ্ন নাপালে যদিও খোলা খিৰিকী এখনৰ সন্ধান পায়, য’ৰ পৰা তেওঁলোকে ঘৰটোত প্ৰৱেশ কৰে। ভিতৰত তেওঁলোকে এটা বাথৰুমত প্ৰাপ্তবয়স্ক দুজনৰ মৃতদেহ আৱিষ্কাৰ কৰে, দুয়োজনৰে শৰীৰত গুলীৰ আঘাত স্পষ্ট। ঘটনাস্থলীত উদ্ধাৰ হৈছে এটা ৯ এম এম পিষ্টল আৰু এটা লোডেড মেগজিন।যমজ ল’ৰাকেইটাক এটা শোৱা কোঠাত উদ্ধাৰ কৰা হৈছে আৰু তেওঁলোকৰ মৃত্যুৰ সঠিক কাৰণ এতিয়াও জানিব পৰা হোৱা নাই৷আদালতৰ ৰেকৰ্ড অনুসৰি ২০১৬ চনৰ ডিচেম্বৰ মাহত মৃত আনন্দে বিবাহ বিচ্ছেদৰ বাবে দাখিল কৰিছিল যদিও কাৰ্যবিধি চূড়ান্ত হোৱা নাছিল। ইয়াৰ পূৰ্বেও আৰক্ষীয়ে ঘৰৰ পৰা অহা ফোনত সঁহাৰি জনাইছে যদিও সেই কাণ্ডসমূহৰ সবিশেষ প্ৰকাশ কৰা হোৱা নাই।

উল্লেখ্য যে মৃত অৱস্থাত উদ্ধাৰ হোৱা আনন্দ আৰু এলিছ, দুয়োজনেই আই টি পেছাদাৰী, দুয়োৱে বিগত ৯ বছৰ ধৰি আমেৰিকাত বাস কৰিছিল। আনন্দে ছফ্‌টৱেৰ ইঞ্জিনিয়াৰ হিচাপে কাম কৰিছিল, আনহাতে এলিছে জ্যেষ্ঠ বিশ্লেষকৰ পদত  কাৰ্যনিৰ্বাহ কৰি আছিল।