আমিৰ খানলৈ ‘ৰংগীলা গাৰ্ল’ৰ ৰঙীন চিঠি, কি আছে চিঠিখনত?

মুম্বাইঃ বলীউড জগতৰ এটা চিৰপৰিচিত নাম উৰ্মিলা মাতোণ্ডকাৰ। দীৰ্ঘ সময়ৰ বিৰতিৰ অন্তত পুনৰ চৰ্চাত এইগৰাকী অভিনেত্ৰী। খ্যাতনামা অভিনেতা আমিৰ খানৰ প্ৰসংগত কি ক’লে অভিনেত্ৰীগৰাকীয়ে। তাকে লৈ সামাজিক মাধ্যমত চলিছে আলোচনা। উল্লেখ্য যে, এসময়ত আমিৰ খানলৈ এখন চিঠি লিখিছিল জনপ্ৰিয় অভিনেত্ৰী উৰ্মিলা মাতোণ্ডকাৰে। শেহতীয়াকৈ অভিনেত্ৰীগৰাকীয়ে জীৱনৰ এই গোপন অধ্যায় মুকলিকৈ প্ৰকাশ কৰিছে। উল্লেখ্য যে, ১৯৫৩ চনত মুক্তিলাভ কৰিছিল আমিৰ খান আৰু উৰ্মিলা মাতোণ্ডকাৰ অভিনীত ছুপাৰহিট ছবি ‘ৰংগীলা’। ছবিখনত কৰা সাৱলীল অভিনয়ৰ বাবে বলীউডত ‘ৰংগীলা গাৰ্ল’ নামে পৰিচিত হৈ পৰে উৰ্মিলা। সেই ছবিখনত কাম কৰোতে আমিৰ খানলৈ উৰ্মিলাই একপ্ৰকাৰ চিঠি লিখিবিলৈ বাধ্য হৈছিল। কিন্তু কিয়? কি আছিল উৰ্মিলাৰ এই চিঠিখনত?

সম্প্ৰতি এক ৰিয়েলিটী শ্ব’ট উৰ্মিলাই অতীতৰ পৃষ্ঠা খুচৰি এই কাহিনী স্বেচ্ছাই প্ৰকাশ কৰিছে। উপস্থিত দৰ্শকে উৰ্মিলাই প্ৰকাশ কৰিবলৈ লোৱা চিঠিখন প্ৰেম সম্পৰ্কীয় হ’ব বুলি ভাবিছিল যদিও প্ৰকৃততে সেইখন প্ৰেমপত্ৰ নাছিল। উৰ্মিলাই কয়, ‘মই যেতিয়া ‘ৰংগীলা’ৰ বাবে ডাবিং কৰিছিলো, তেতি য়া আমিৰ খানৰ অভিনয় দেখি বিমুগ্ধ হৈ পৰিছিলো। পলম নকৰি তেতিৰয়াই অতি সাদৰেৰে মই আমিৰলৈ এখন চিঠি লিখিছিলো।’ উৰ্মিলাই পুনৰ কয়, ‘মই লিখিছিলো, তুমি এই ছবিখনত কৰা অভিনয়ৰ বাবে অসংখ্য চিঠি পাবা। পুৰস্কাৰো পাবা আৰু এইখন তোমাৰ প্ৰথম অনুৰাগীৰ চিঠি।’ উল্লেখ্য যে, ‘ৰংগীলা’ত অভিনয়ৰ বাবে আমিৰ খানে ভূয়সী প্ৰশংসা বুটলিবলৈ সক্ষম হৈছিল। আমিৰৰ সমানে উৰ্মিলাইয়ো চলচ্চিত্ৰপ্ৰেমীৰ পৰা লাভ কৰিছিল অকুন্ঠ মৰম। প্ৰণিধানযোগ্য যে, প্ৰায় ৭টা দশক পূৰ্বে কৰা অভিনয়ৰ বাবে বলীউড জগতত আগশাৰীৰ নায়িৰকাৰ স্থান দখল কৰিবলৈ সক্ষম হৈছিল উৰ্মিলাই। এই কাহিনী সুঁৱৰি নষ্টালজিক হৈ পৰে জনপ্ৰিয় নায়িকাগৰাকী।