অমৃত কলহৰ যাত্ৰাৰ শুভাৰম্ভ মুখ্যমন্ত্রী হিমন্ত বিশ্ব শৰ্মাৰ

Listen to Article

2 min read

80%

In Short

মুখ্যমন্ত্ৰী ড০ হিমন্ত বিশ্ব শৰ্মাই পুৱা ৮:৩০বজাত শ্ৰীমন্ত শংকৰদেৱ কলাক্ষেত্ৰত আয়োজিত হ'ব লগা এক অনুষ্ঠানত শুভাৰম্ভ কৰে। এই অনুষ্ঠানত ৰাজ্য চৰকাৰৰ কেবাগৰাকীও মন্ত্রী উপস্থিত থাকে।

ডিজিটেল ডেস্কঃ মোৰ মাটি মোৰ দেশ' অভিযানৰ অংশ 'অমৃত কলহ যাত্রা'ত আৰু ৰাজ্যখনৰ ২৭০টা উন্নয়ন খণ্ড তথা নগৰীয় স্থানীয় নিকায় সমূহৰপৰা প্রেৰিত অমৃত কলহসমূহৰ পৰা দুটাকৈ, মুঠ ৫৪০ টা কলহ সংগ্রহ কৰা হৈছিল।

ইয়াৰে এটাকৈ কলহ মূল অনুষ্ঠানৰ বাবে 'ৰাজধানী এক্সপ্রেছ'যোগে নতুন দিল্লীত কৰ্তব্যপথৰ সমীপত নির্মাণ হ'বলগীয়া 'অমৃত বাটিকা'ৰ নিৰ্মাণাৰ্থে প্ৰেৰণ কৰা হৈছিল। আনটো কলহ শ্ৰীমন্ত শংকৰদেৱ কলাক্ষেত্ৰত সংৰক্ষণ কৰা আছিল।

দেশৰ বিত্ত মন্ত্ৰী নিৰ্মলা সীতাৰমণে অহা ৮ নৱেম্বৰত দেশৰ স্বাধীনতা সংগ্ৰামত অংশগ্ৰহণ কৰি গহপুৰ থানাৰ পতাকা উত্তোলন কৰিবলৈ গৈ শ্বহীদ হোৱা বীৰাংগনা কনকলতা বৰুৱাৰ স্মৃতিত কনকলতা ৰাজ্যিক মহিলা বিশ্ববিদ্যালয় স্থাপনৰ সিদ্ধান্ত গ্ৰহণ কৰাৰ পৰিপ্ৰেক্ষিতত কাইলৈ সংৰক্ষণ কৰি ৰখা মাটিৰ কলহ সমূহ ভূমি পূজন অনুষ্ঠানলৈ কঢ়িয়াই নিয়া হ'ব।

এই যাত্ৰা অসমৰ মুখ্যমন্ত্ৰী ড০ হিমন্ত বিশ্ব শৰ্মাই পুৱা ৮:৩০বজাত শ্ৰীমন্ত শংকৰদেৱ কলাক্ষেত্ৰত আয়োজিত হ'ব লগা এক অনুষ্ঠানত শুভাৰম্ভ কৰে। এই অনুষ্ঠানত ৰাজ্য চৰকাৰৰ কেবাগৰাকীও মন্ত্রী উপস্থিত থাকে।