ৰানৱেৰ পৰি পিছলি পৰিল যাত্ৰীবাহী বিমান! কথমপি প্ৰাণৰক্ষা ৬০জন লোকৰ

ডিজিটেল ডেস্কঃ এক ভয়ংকৰ দুৰ্ঘটনাৰ পৰা ৰক্ষা পৰিল এখন যাত্ৰীবাহী বিমান। সৌভাগ্যক্ৰমে বিমানখনৰ ভিতৰত থকা ৫৫ গৰাকী যাত্ৰী আৰু ৫ গৰাকী ক্ৰু মেম্বাৰৰ জীৱন ৰক্ষা পৰিছে। এই ঘটনা সংঘটিত হৈছে মধ্যপ্ৰদেশৰ দুমনা বিমান বন্দৰত। বিমানখন বন্দৰত অৱতৰণৰ সময়তে ৰানৱেৰ পৰা পিছলি পৰে কিন্তু পাইলটৰ তৎপৰতাত ভয়ংকৰ দুৰ্ঘটনাত পতিত হোৱাৰ পৰা ৰক্ষা পৰে বিমানখন। দিল্লীৰ পৰা জবলপুৰত উপস্থিত হোৱা এয়াৰ ইণ্ডিয়াৰ বিমান এআই-৯৬১৭ অৱতৰণৰ সময়ত ৰানৱেৰ পৰা পিছলি পৰিছিল।বিমানখন দিল্লীৰ পৰা জবলপুৰলৈ আৰু তাৰ পিছত বিলাসপুৰলৈ যোৱাৰ কথা আছিল। পাছত বিমানখনত থকা যাত্ৰীসকলক বাছেৰে বিমানবন্দৰৰ লাউঞ্জলৈ লৈ যোৱা হয়। ঘটনাটোৰ উচিত তদন্তৰ নিৰ্দেশ দিয়া হৈছে।শনিবাৰে দুপৰীয়া ১:২০ বজাত সংঘটিত হয় এই ঘটনা। আৰু পঢ়কঃ পোহনীয়া কুকুৰক ৫ কোটি টকাৰ হীৰাৰ চেইন উপহাৰ! সুৰক্ষাৰ বাবে দেহৰক্ষী নিয়োগ