আন্তঃৰাষ্ট্ৰীয় চলচ্চিত্ৰ মহোৎসৱলৈ ‘তুমি মালালা’, অভিনয় কৰিছে কোনে?

ডিজিটেল ডেস্কঃ ক’ভিডসৃষ্ট পৰিৱেশৰ বাবে ছবিগৃহসমূহ বন্ধ হৈ থকাৰ সময়তে অসমীয়া চলচ্চিত্ৰ জগতলৈ আহিছে অন্য এক সুখবৰ। আন্তঃৰাষ্ট্ৰীয় চলচ্চিত্ৰ মহোৎসৱ ‘SERBEST’ আৰু ‘DRUK’লৈ নিৰ্বাচিত হৈছে অসমীয়া কলাত্মক ছবি ‘তুমি মালালা’।

অসমীয়া চলচ্চিত্ৰ জগতৰ বহুকেইখন ব্যয়বহুল ছবি নিৰ্মাণ কৰি ‘প্ৰাগ নিউজ’ৰ মুখ্য পৰিচালন সঞ্চালক ড০ সঞ্জীৱ নাৰায়ণে দৰ্শকৰ সমাদৰ লাভ কৰিবলৈ সক্ষম হৈছে। আমাৰ সাংবাদিকে জনোৱা অনুসৰি, ডঃ সঞ্জীৱ নাৰায়ণৰ প্ৰযোজিত ‘তুমি মালালা’ ছবিখনৰ পৰিচালক ৰূপক গগৈ।

এনআৰচিসৃষ্ট অসমৰ পৰিস্থিতি, নাৰী শিক্ষাৰ অধিকাৰৰ বিষয়ত দুই কিশোৰীৰ সপোন, আশা-আকাংক্ষা আৰু জীৱনসংগ্ৰামক লৈয়ে এই ছবিখন নিৰ্মাণ কৰা হৈছে। ছবিখনৰ চিত্ৰনাট্যকাৰ হৈছে অভিস্কা ফুকন। ছবিখনৰ মূল দুই কিশোৰীৰ চৰিত্ৰত অভিনয় কৰিছে অংশ্ৰুতা কাশ্যপ(মুনমুন) আৰু হৃষিতা ভট্টাচাৰ্যই।