অৰ্জুন বিজলানীৰ শিৰত জিলিকিল 'খতৰো কে খিলাড়ী - ১১' ৰ খিতাপ

ডিজিটেল ডেস্কঃ : হাজাৰ হাজৰ ৰ অনুৰাগীৰ মুখত হাঁহি বিৰিঙাই অভিনেতা অৰ্জুন বিজলানীয়ে লাভ কৰিলে 'খতৰো কে খিলাড়ী-১১ ৰ বিজয়ীৰ খিতাপ ৷ দিব্যাংকা ত্ৰিপাঠী শ্বেতা তিৱাৰী, বৰুণ সুড, বিশাল আদিত্য সিং আৰু ৰাহুল বৈদ্যক পৰাস্ত কৰি অৰ্জুন বিজলানীয়ে ষ্টাণ্ট আধাৰিত ৰিয়েলিটি শ্ব' ভয়ৰ কাৰক: খতৰো কে খিলাড়ী ৰ একাদশ চিজনৰ বিজয়ীৰ ট্ৰফী লাভ কৰিছে তেওঁ ৷

কেইমাহমান পূৰ্বে দক্ষিণ আফ্ৰিকাৰ কেপটাউনত 'খতৰো কে খিলাড়ী-১১' ৰ সমগ্ৰ দৃশ্যগ্ৰহণ কৰা হৈছিল ৷ মঙলবাৰে মুম্বাইত ইয়াৰ অন্তিমটো খণ্ডৰ দৃশ্যগ্ৰহণ সম্পূৰ্ণ হয় আৰু এই খণ্ডতে অৰ্জুন বিজয়ী হিচাপে ঘোষণা কৰা হয় ৷ ২৫আৰু ২৬ ছেপ্টেম্বৰত কালাৰ্চ টিভি সম্প্ৰচাৰিত হ'ব এই অন্তিম খণ্ড ৷চেনেলটোৱে এই পৰ্যন্ত বিজয়ী সন্দৰ্ভত কোনো কথা আনুষ্ঠানিকভাৱে ঘোষণা কৰা নাই যদিও অৰ্জুনৰ পত্নী আৰু অনুৰাগীসকলে সামাজিক মাধ্যমত মিলে যব হাম তুম ৰ তাৰকাগৰাকীক অভিনন্দন বাৰ্তাৰে ওপচাই তুলিছে ৷

অৰ্জুনৰ সফলতাত ইনষ্টাগ্ৰামযোগে আনন্দ প্ৰকাশ কৰি অৰ্জুনৰ পত্নী নেহাই কয় যে স্বামীক লৈ তেওঁ গৌৰৱান্বিত আৰু অৰ্জুন পৃথিৱীৰ সকলো সুখৰ যোগ্য ৷নেহাই নিজৰ ইনষ্টাগ্ৰাম ষ্টৰীত ট্ৰফীৰ এখন ফটো পোষ্ট কৰিছে ৷ অৰ্জুনে আনকি তেওঁৰ বিজয় উদযাপন কৰাৰ উদ্দেশ্যে ঘৰত এটা পাৰ্টীৰো আয়োজন কৰে, 'য'ত খতৰো কে খিলাড়ী' ৰ আনসকল প্ৰতিযোগীও উপস্থিত আছিল ৷