ডিজিটেল ডেস্কঃ আপোনাৰ মূৰৰ চুলি দুমুখীয়া হৈছে নেকি? এই সমস্যাৰ পৰা সমাধান পাব বিচাৰেনে? যদি বিচাৰে তেন্তে এই উপায় গ্ৰহণ কৰক।
১) চুলি ট্ৰিমিং কৰাঃ যদি আপুনি দুমুখীয়া চুলিৰ পৰা মুক্তি পাব বিচাৰে তেন্তে তিনি-চাৰি মাহৰ মূৰে মূৰে চুলিখিনি লাহে লাহে ট্ৰিম কৰক। ইয়াৰ ফলত কেৱল দুমুখীয়া চুলি কম হোৱাই নহয়, ফাটি যোৱা আৰু সৰাও হ্ৰাস পায়। ইয়াক অতি উত্তম সমাধান বুলি গণ্য কৰা হয়।
২) কলৰ পেকঃ কলৰ পৰা তৈয়াৰী হেয়াৰ পেকে এই সমস্যা সমাধান কৰিব পাৰে। ইয়াৰ বাবে পকা কল এটা লৈ ভালদৰে গুড়ি কৰি তাত দৈ, নেমুৰ ৰস আৰু গোলাপৰ পানী দি ভালদৰে মিহলাই লওক। এই পেকটোৰে গোটেই চুলিখিনি ঢাকি দিব। প্ৰায় এঘণ্টাৰ পিছত মৃদু চেম্পুৰে চুলি ধুব।
৩) নাৰিকল তেলঃ নাৰিকল তেলে ইয়াৰ পৰা মুক্তি দিব পাৰে। এইটো এটা অতি পুৰণি আৰু ফলপ্ৰসূ পদ্ধতি, চুলিত নাৰিকল তেল প্ৰয়োগ কৰিলে চুলি মেৰামতি হয় আৰু মজবুত হয়। নাৰিকল তেল গৰম কৰি চুলিত ১৫ মিনিট মালিচ কৰক। প্ৰায় দুঘণ্টাৰ পিছত শ্বেম্পুৰে চুলি ধুব।
৪) অমিতাৰ পেকঃ অমিতাই চুলিক পুষ্টিকৰ কৰাৰ কাম কৰে। চুলিৰ হেৰাই যোৱা জিলিকনিও ঘূৰাই আনিব পাৰে। এইটো বনাবলৈ অমিতা ভালদৰে পিহি তাত দৈ মিহলাই লওক। এই মাস্কটো চুলিত প্ৰায় ৩০ মিনিটমান লগাব আৰু তাৰ পিছত চুলিখিনি ভালদৰে শ্বেম্পুৰে ধুব।
৫) কণীৰ পেকঃ কণীয়ে চুলিখিনি ভালদৰে কণ্ডিচন কৰে। কণীত অলিভ অইল আৰু ১ চামুচ মৌ মিহলাই চুলিৰ দৈৰ্ঘ্য অনুযায়ী মাস্ক বনাওক আৰু কমেও ৩০ মিনিট ৰাখিব। ইয়াৰ পাছত চুলিখিনি ভালদৰে ধুব।
Continue Reading
