ডিজিটেল ডেস্কঃ গুগল মেপে এতিয়া দেখুৱাব আপোনাৰ এলেকাৰ বায়ুৰ মান কিমান ভাল বা বেয়া।গুগল মেপে এতিয়া নেষ্ট হাব আৰু পিক্সেল ফোনৰ দৰেই কাম কৰিব। আপোনাৰ এলেকাৰ এয়াৰ কোৱালিটি ইণ্ডেক্স (একিউআই) গুগল মেপৰ এণ্ড্ৰইড আৰু আইঅ’এছ দুয়োটা এপতে প্ৰদৰ্শিত হ'ব।
বায়ুৰ গুণগত মান জানিবলৈ আপুনি লেয়াৰ ছেটিংছত টেপ কৰিব লাগিব য'ত ৰাজহুৱা পৰিবহন, ট্ৰেফিক, ৩ ডিৰ আৰু ষ্ট্ৰীট ভিউৰ দৰে বিকল্প উপলব্ধ হ’ব।
আপুনি এই ছেটিংছত এয়াৰ কোৱালিটি এটা বিকল্প হিচাপে দেখা পাব আৰু ইয়াত টেপ কৰিলেই আপোনাৰ এলেকাৰ বতাহৰ একিউআই তথ্য লাভ কৰিবলৈ সক্ষম হ'ব।
আপুনি এয়াৰ কোৱালিটি বিকল্পত টেপ কৰাৰ লগে লগে, গুগল মেপে আপোনাৰ এলেকাৰ বতাহৰ তথ্য জনাই দিব৷ গুগল মেপে আপোনাৰ এলেকাৰ বাবে কেতবোৰ বিশেষ পিন ব্যৱহাৰ কৰিব৷
বায়ুৰ মান কিমান ভাল বা বেয়া সেই অনুসৰি এই পিনবোৰৰ ৰং সলনি হ'ব আৰু সেইবোৰৰ এটাত টেপ কৰিলে সেই অৱস্থানৰ বাবে নিৰ্দিষ্ট তথ্য প্ৰদৰ্শন কৰিব।
উল্লেখ্য বিশ্বৰ প্ৰদূষিত দেশ সমূহৰ মাজত ভাৰতো এখন ৷ ভাৰতৰ ৰাজধানী চহৰ নতুন দিল্লীত প্ৰদূষণৰ মাত্ৰা ভয়াৱহ ভাবে বৃদ্ধি পাইছে৷ এনে পৰিস্থিতিত গুগল মেপে বায়ুৰ গুণাগুণ নিৰ্ধাৰণ কৰি দিলে সেইমতে সতৰ্ক হোৱাত সুবিধা হ’ব৷
Continue Reading
