ডিজিটেল ডেস্ক: ক’ভিডকালীন সময়ছোৱাৰ পৰা আৰম্ভ কৰি বিভিন্ন অসহায়লোকক সহায়ৰ হাত আগবঢ়াই অহা বলীউড অভিনেতা তথা সমাজসেৱক ছনু সুদে এগৰাকী কণমানিক আগবঢ়াইছে সহায়ৰ হাত৷ বিহাৰৰ বাসিন্দা চৌমুখী কুমাৰী নামৰ এগৰাকী কণমানি ছোৱালীৰ জন্ম হৈছিল চাৰিখন ভৰি আৰু চাৰিখন বাহুলৈ। বৃহস্পতিবাৰে চৌমুখীৰ ফটো শ্বেয়াৰ কৰি ছনুৱে তেওঁৰ অনুৰাগীসকলক কৈছিল যে, তেওঁৰ এটা অস্ত্ৰোপচাৰ সম্পন্ন কৰা হয়৷
অস্ত্ৰোপচাৰৰ আগত আৰু পাছত চৌমুখীৰ ফটো পোষ্ট কৰি ছনুৱে লিখিছিল, ‘মেৰা আৰু চৌমুখী কুমাৰীকা চফৰ কাম্যব ৰহা (মোৰ আৰু চৌমুখী কুমাৰীৰ যাত্ৰা এতিয়া সফল প্ৰমাণিত হৈছে)। চাৰিখন ভৰি আৰু চাৰিখন হাতেৰ সৈতে চৌমুখীৰ জন্ম বিহাৰৰ এখন সৰু গাঁৱত হৈছিল। এতিয়া তেঁওৰ সফল অস্ত্ৰোপচাৰৰ পাছত ঘৰলৈ উভতি যাবলৈ সাজু হৈছে।’
অভিনেতা সুনীল চেট্টী, পূজা বাত্ৰা, ৰিধিমা পণ্ডিত, আৰু এষা গুপ্তাই চনুৰ এই মহানুভৱতাক উচ্চ প্ৰশংসা কৰে। ইয়াৰ লগতে অভিনেতাগৰাকীৰ অসংখ্য অনুৰাগীয়ে ছনুৰ এই পদক্ষেপক যথেষ্ট শলাগ লয়৷ ছনুৱে বৰ্তমান এমটিভিৰ ৰ’ডিজত জড়িত হৈ আছে৷ নতুন ছিজনৰ প্ৰথম খণ্ডটো ৮ এপ্ৰিলত প্ৰিমিয়াৰ হৈছিল। তেওঁ অলপতে ড০ চন্দ্ৰপ্ৰকাশ দ্বিবেদীৰ ছবি সম্ৰাট পৃথ্বীৰাজত চান্দ বৰাইৰ চৰিত্ৰতো অভিনয় কৰিছিল। চলচ্চিত্ৰখন ২০২২ চনৰ ৩ জুনত হিন্দী, তামিল আৰু তেলেগু ভাষাত মুক্তি দিয়া হৈছিল।
Continue Reading
