ডিজিটেল ডেস্ক: পূজা যিয়েই নহওক কিয়, এজন ব্যক্তিয়ে নিজৰ সাধ্য অনুযায়ী ঈশ্বৰলৈ ভোগ আগবঢ়ায়। সাধাৰণতে মিঠাই, দৈ, ফলমূল আৰু কিছুমান বিশেষ ব্যঞ্জন আগবঢ়োৱা হয় । আজি আপোনালোকক এনে এক মন্দিৰৰ বিষয়ে জনাম য’ত দেৱীক বেলেগ ধৰণৰ প্ৰসাদ আগবঢ়োৱা হয়, যিটো হয়তো আপুনি কেতিয়াও শুনা নাই।
বিশ্বাস, হৃদয়ৰ এক অনুভূতি যাক অন্তৰে শুদ্ধ বুলি বিবেচনা কৰে ৷ আমাৰ দেশত বিশ্বাসৰ ওপৰত একো নাই। মানুহে নিজৰ নিজৰ ধৰণে ঈশ্বৰক পূজা কৰে আৰু নিজৰ বুলিয়েই গণ্য কৰি নিজে খোৱা একে খাদ্যই তেওঁলৈ আগবঢ়ায়। অৱশ্যে আজি আমি আপোনালোকক জনাম এনে এটা মন্দিৰৰ বিষয়ে য'ত কালী মাতৃক চীনা খাদ্য প্ৰসাদ হিচাপে আগবঢ়োৱা হয় ৷
এই বিশেষ মন্দিৰটো বংগৰ ৰাজধানী কলকাতাৰ টাংৰাত অৱস্থিত। ইয়াক চাইনা টাউন বুলিও জনা যায়। আচলতে ১৯৩০ চনৰ চীনৰ শীতল যুদ্ধৰ সময়ত কিছুমান মানুহ আহি ইয়াত বসবাস কৰিবলৈ লয় । জীৱিকা উপাৰ্জনৰ বাবে তেওঁলোকে খাদ্য সামগ্ৰী বিক্ৰী কৰিবলৈ আৰম্ভ কৰে আৰু ইয়াত লাহে লাহে ভাৰত-চীনা খাদ্য বিখ্যাত হ’বলৈ ধৰিলে। যিহেতু এই স্থানত কালী মন্দিৰ আছে, সেয়েহে ভক্তসকলেও দেৱীক নুডলছ, চপষ্টিক, ফ্ৰাইড ৰাইচ আদি চীনা খাদ্য আগবঢ়াবলৈ আৰম্ভ কৰিলে।পুৱা-গধূলি পূজাৰ সময়ত দেৱীক কেৱল চীনা খাদ্যহে আগবঢ়োৱা হয়।
কালী দেৱীৰ এই মন্দিৰটো ৬০ বছৰ পুৰণি, যিটো হিন্দী-চীনা সংস্কৃতিৰ সংমিশ্ৰণৰ নিদৰ্শন হিচাপে গণ্য কৰা হয়। উল্লেখ্য যে এজন চীনা শিশু অসুস্থ হোৱাত তেওঁত ইয়াতে থকা গছ এজোপাৰ তলত শুৱাই দিয়া হৈছিল আৰু অলপ সময়ৰ পিছতেই শিশুটি অলৌকিকভাৱে সুস্থ হৈ উঠে আৰু এই ঠাইত কালী মন্দিৰ নিৰ্মাণ কৰা হয়। ২০১৮ চনত World Of Kolkata নামৰ ফেচবুক পেজৰ জৰিয়তে এই মন্দিৰৰ তথ্য প্ৰকাশ কৰা হৈছিল।
Continue Reading
