ৰাষ্ট্ৰীয় সংগীতক অপমান! মমতা বেনাৰ্জীক চমন জাৰি মুম্বাই আদালতৰ

ডিজিটেল ডেস্কঃ সমস্যাত পৰিছে পশ্চিমবংগৰ মুখ্যমন্ত্ৰী মমতা বেনাৰ্জী। মুম্বাইৰ মেট্ৰ'পলিটান মেজিষ্ট্ৰেট আদালতে মমতা বেনাৰ্জীক ২ মাৰ্চত আদালতত হাজিৰ হ'বলৈ চমন জাৰি কৰিছে। এজন বিজেপি নেতাই মমতাৰ বিৰুদ্ধে ৰাষ্ট্ৰীয় সংগীতক অপমান কৰাৰ অভিযোগ উত্থাপন কৰিছে। মুম্বাই ভ্ৰমণৰ সময়ত মমতা বেনাৰ্জীয়ে ৰাষ্ট্ৰীয় সংগীতক অপমান কৰাৰ অভিযোগ তুলি মুম্বাইৰ এজন বিজেপি নেতাই দাখিল কৰিছে এজাহাৰ। বিজেপি নেতাজনে অভিযোগ কৰিছিল যে মমতা বেনাৰ্জীয়ে মুম্বাই ভ্ৰমণৰ সময়ত ৰাষ্ট্ৰীয় সংগীতক অপমান কৰিছিল। মমতাই বহি বহি ৰাষ্ট্ৰীয় সংগীত গাইছিল আৰু ৪-৫ শাৰী গোৱাৰ পাছত তেওঁ থিয় হৈ ৰাষ্ট্ৰীয় সংগীত গাবলৈ আৰম্ভ কৰিছিল।সেয়াও তেওঁ আধাকৈ গাইছিল।বিজেপি নেতাজনে অভিযোগ কৰি কৈছিল যে মমতা বেনাৰ্জীয়ে ৰাষ্ট্ৰীয় সন্মানৰ অপমান প্ৰতিৰোধ আইন, ১৯৭১ৰ অধীনত এই অপৰাধ কৰিছিল। অভিযোগকাৰীজনে অভিযোগ কৰিছিল যে আৰক্ষীৰ ওচৰত অভিযোগ কৰা স্বত্বেও কোনো এজাহাৰ দাখিল কৰা হোৱা নাছিল। সেয়েহে আদালতক মমতাৰ বিৰুদ্ধে এজাহাৰ দাখিল কৰিবলৈ নিৰ্দেশ দিয়াৰ চেষ্টা কৰা হৈছে। মমতা বেনাৰ্জীয়ে দুমাহ পূৰ্বে মুম্বাই ভ্ৰমণ কৰিছিল। তাত তেওঁ এনচিপি নেতা শাৰদ পাৱাৰ, শিৱসেনাৰ নেতা সঞ্জয় ৰাউট আৰু আদিত্য ঠাকৰেকে ধৰি কেইবাজনো নেতাক লগ কৰিছিল। ইয়াৰ উপৰিও তেওঁ মুম্বাইত এখন সংবাদমেলো অনুষ্ঠিত কৰে। এই সময়ছোৱাত সংবাদমেল আৰম্ভ হোৱাৰ আগতে বহি বহি পশ্চিমবংগৰ মুখ্যমন্ত্ৰীগৰাকীয়ে ৰাষ্ট্ৰীয় সংগীত গাবলৈ আৰম্ভ কৰিছিল। তেওঁলোকে ৰাষ্ট্ৰীয় সংগীতটো সম্পূৰ্ণকৈ নাগায় অসম্পূৰ্ণ কৰি ৰাখিছিল আৰু তেনেকৈয়ে সংবাদমেলখন অনুষ্ঠিত কৰিছিল। মমতা বেনাৰ্জীৰ এই আচৰণৰ বাবে বহুতো লোক ক্ষুব্ধ হৈছিল। আৰু পঢ়কঃ মই মুছলমান, যশ হিন্দু, আমাৰ পুত্ৰ হ’ব ছেক্যুলাৰঃ নুছৰত জাহান