ৰাষ্ট্ৰপতি পুটিনক হত্যা কৰিলে ৭.৫ কোটি টকাৰ পুৰস্কাৰ ঘোষণা ৰাছিয়াৰ ব্যৱসায়ীৰ

ডিজিটেল ডেস্কঃ ইউক্ৰেইনত বিধ্বংসী পৰিস্থিতিৰ সৃষ্টি কৰা ৰাছিয়াৰ ৰাষ্ট্ৰপতি ভ্লাদিমিৰ পুটিনক হত্যা কৰিলে ৭.৫ কোটি টকাৰ পুৰস্কাৰ দিয়া হ'ব বুলি ঘোষণা কৰিছে ৰাছিয়াৰ এগৰাকী ব্যৱসায়ীয়ে। ৰাছিয়াৰ এই ব্যৱসায়ীগৰাকীৰ নাম এলেক্স কোনানিখিন। ৰাষ্ট্ৰপতি পুটিনক হত্যা বা গ্ৰেপ্তাৰ কৰিলে ৭.৫ কোটি টকাৰ পুৰস্কাৰ ঘোষণা এলেক্স কোনানিখিনৰ। এই সন্দৰ্ভত লোকজনে ছ'চিয়েল মিডিয়াত এক প'ষ্টো শ্বেয়াৰ কৰিছে। এলেক্স কোনানিখিনে ছ'চিয়েল মিডিয়াত পুটিনৰ এখন ফটো শ্বেয়াৰ কৰি লিখিছে-''জীৱিত বা মৃত। মই প্ৰতিশ্ৰুতি দিছো যে, যিজন লোকে সাংবিধানিক ভাৱে নাইবা যুদ্ধ অপৰাধী হিচাপে পুটিনক গ্ৰেপ্তাৰ বা হত্যা কৰিব তেওঁক ৭.৫ কোটি টকাৰ পুৰষ্কাৰ প্ৰদান কৰা হ'ব।'' পোষ্টটোত এলেক্সে আৰু কৈছিল যে ''পুটিন ৰাছিয়াৰ ৰাষ্ট্ৰপতি নহয়। তেওঁ এজন অপৰাধী। ৰাছিয়াৰ এজন নাগৰিক হিচাপে ৰাছিয়াক নাজীবাদ আৰু ইয়াৰ প্ৰভাৱৰ পৰা পৰিত্ৰাণ পোৱাত সহায় কৰাটো মোৰ নৈতিক কৰ্তব্য।'' ৰাছিয়াৰ ব্যৱসায়ীয়ে নিজ দেশৰ ৰাষ্ট্ৰপতিৰ বিৰুদ্ধে কোৱা এই কথাই এতিয়া যথেষ্ট চৰ্চা লাভ কৰিছে। এলেক্স কোনানিখিনৰ এই প'ষ্ট এতিয়া ভাইৰেল হৈ পৰিছে ছ'চিয়েল মিডিয়াত। আৰু পঢ়কঃ মই ধুনীয়া আৰু ‘হট’ বাবে মোক ভাড়াঘৰৰ মালিকে উলিয়াই দিলে! মডেলৰ গুৰুতৰ অভিযোগ