ডিজিটেল ডেস্ক: ৰাছিয়াই ইউক্ৰেইনৰ বিৰুদ্ধে চলোৱা সামৰিক অভিযানৰ পাছত ৰাষ্ট্ৰসংঘৰ নিৰাপত্তা পৰিষদৰ দ্বিতীয়খন জৰুৰী বৈঠক সম্পন্ন হয়৷ নিৰাপত্তা পৰিষদৰ বৈঠকত ৰাছিয়াৰ ‘আক্ৰমণ’ৰ বিৰুদ্ধে ৰাষ্ট্ৰসংঘৰ নিৰাপত্তা পৰিষদে গ্ৰহণ কৰা গৰিহণা প্ৰস্তাৱত ভোটদান নকৰিলে ভাৰতেে৷
ৰাষ্ট্ৰসংঘৰ নিৰাপত্তা পৰিষদে শুকুৰবাৰে আমেৰিকা যুক্তৰাষ্ট্ৰ আৰু আলবেনিয়াৰ দ্বাৰা পৃষ্ঠপোষকতা কৰা আৰু আন কেইবাখনো ৰাষ্ট্ৰৰ দ্বাৰা সমৰ্থিত খচৰা প্ৰস্তাৱৰ ওপৰত ভোটদান অনুষ্ঠিত কৰে৷ ভাৰতে আমেৰিকা যুক্তৰাষ্ট্ৰৰ পৃষ্ঠপোষকতাত ৰাষ্ট্ৰসংঘৰ নিৰাপত্তা পৰিষদৰ এই প্ৰস্তাৱত ভোটদানৰ পৰা বিৰত থাকে, যি প্ৰস্তাৱত ইউক্ৰেইনৰ বিৰুদ্ধে ৰাছিয়াৰ ‘আক্ৰমণ’ক গৰিহণা দিয়া হৈছিল৷ নিৰাপত্তা পৰিষদে চুবুৰীয়া দেশৰ পৰা ৰাছিয়াৰ সৈন্য বাহিনীক বিনাচৰ্তে তাৎক্ষণিকভাৱে প্ৰত্যাহাৰৰ দাবী জনায়।
নিৰাপত্তা পৰিষদে শুকুৰবাৰে আমেৰিকা যুক্তৰাষ্ট্ৰ আৰু আলবেনিয়াৰ দ্বাৰা পৃষ্ঠপোষকতা কৰা খচৰা প্ৰস্তাৱৰ ওপৰত ভোটদান কৰে আৰু পোলেণ্ড, ইটালী, জাৰ্মানী, ইষ্টোনিয়া, লাক্সেমবাৰ্গে৷ আৰু, নিউজিলেণ্ডকে ধৰি আন কেইবাখনো ৰাষ্ট্ৰই ৰাছিয়াক সমৰ্থন কৰে। এঘাৰখন দেশে এই প্ৰস্তাৱৰ সপক্ষে ভোট দিছিল৷ আনহাতে, ভাৰতকে ধৰি তিনিখন দেশে ভোটদানৰ পৰা বিৰত আছিল।
ৰাষ্ট্ৰসংঘত ভাৰতৰ ৰাষ্ট্ৰদূত টি এছ তিৰুমূৰ্তিয়ে কয়, ‘ইউক্ৰেইনৰ শেহতীয়া পৰিস্থিতিত ভাৰত গভীৰভাৱে বিচলিত হৈছে। আমি অনুৰোধ জনাইছোঁ যে হিংসা আৰু শত্ৰুতা তাৎক্ষণিকভাৱে বন্ধ কৰাৰ বাবে সকলো প্ৰচেষ্টা কৰা হওক৷ মানৱ জীৱনৰ ঊৰ্ধত কেতিয়াও কোনো সমাধানত উপণীত হ'ব নোৱাৰি বুলি তেওঁ মন্তব্য কৰে৷
তেওঁ লগতে কয়, এইটো দুখৰ বিষয় যে কূটনীতিৰ পথ এৰি দিয়া হৈছিল। আমি ইয়ালৈ ঘূৰি আহিব লাগিব। এই সকলো কাৰণৰ বাবে, ভাৰতে এই প্ৰস্তাৱৰ পৰা বিৰত থাকিবলৈ সিদ্ধান্ত গ্ৰহণ কৰিছে৷
নিৰাপত্তা পৰিষদৰ এজন স্থায়ী সদস্যই, ৰাছিয়াই আশা কৰা অনুসৰি প্ৰস্তাৱটোক সমৰ্থন নকৰি, ভেটো ক্ষমতা ব্যৱহাৰ কৰিছিল, কিন্তু পশ্চিমীয়া ৰাষ্ট্ৰসমূহে কৈছিল যে প্ৰস্তাৱটোৱে ইউক্ৰেইনৰ বিৰুদ্ধে আক্ৰমণ আৰু পদক্ষেপৰ বাবে বিশ্বৰ মঞ্চত মস্কোৰ বিচ্ছিন্নতাবাদক প্ৰকট কৰিব বিচাৰিছে৷
নতুন দিল্লীৰ মস্কোৰ সৈতে শক্তিশালী প্ৰতিৰক্ষা সম্পৰ্ক থকাৰ বাবে ভাৰতে কেনেদৰে প্ৰস্তাৱটোৰ ওপৰত ভোটদান কৰিব তাৰ ওপৰত সকলোৰে দৃষ্টি নিবদ্ধ আছিল।
Continue Reading
