ডিজিটেল ডেস্কঃ দ্ৰুতগতিত পট পৰিৱৰ্তন ঘটিছে মহাৰাষ্ট্ৰৰ ৰাজনীতিৰ। কালি উচ্চতম ন্যায়ালয়ে উদ্ধৱ থাকৰে শিবিৰক বিমুখ কৰি আস্থাভোট অনুষ্ঠিত কৰিবলৈ নিৰ্দেশ দিয়াৰ পিছতে মুখ্যমন্ত্ৰী থাকৰেই পদত্যাগ কৰিছিল। কেলৱ মুখ্যমন্ত্ৰী পদেই নহয়, বিধায়ক পদো ত্যাগ কৰিছিল উদ্ধৱ থাকৰেই।
এনেসময়তে মহাৰাষ্ট্ৰত নতুন চৰকাৰ গঠনৰ পূৰ্ণ প্ৰস্তুতি চলিছে। মহাৰাষ্ট্ৰৰ ৰাজনৈতিক সংকটৰ সৈতে বিজেপিৰ কোনো সম্পৰ্ক নাই বুলি দাবী কৰি অহা হৈছিল যদিও বিজেপিৰ নেতৃত্বতে ৰাজ্য খনত নতুন চৰকাৰ গঠন হ'ব বুলি বিশেষ সূত্ৰই প্ৰকাশ কৰিছে। ইপিনে মহাৰাষ্ট্ৰ বিধানসভাত আজি অনুষ্ঠিত হ'বলগীয়া আস্থাভোট থাকৰেৰ পদত্যাগৰ পিছতে স্থগিত ৰখাৰ কথা ঘোষণা কৰা হৈছে।
ৰাজ্যপাল ভগত সিং কোশিয়াৰীয়ে আস্থাভোট স্থগিত ৰাখিবলৈ নিৰ্দেশ দিয়াৰ কথা জানিব পৰা গৈছে। মহাৰাষ্ট্ৰ বিধানসভাৰ সচিব ৰাজেন্দ্ৰ ভাগৱতে ৰাজ্যৰ সকলো বিধায়কক জনাইছে যে ৰাজ্যপালৰ নিৰ্দেশ অনুসৰি এতিয়া আস্থাভোটৰ কোনো প্ৰয়োজন নাই।
ইয়াৰ মাজতে বিজেপিৰ দেৱেন্দ্ৰ ফাড়নবিছে একনাথ সিন্দেৰ সমৰ্থনত মহাৰাষ্ট্ৰ মুখ্যমন্ত্ৰী হিচাপে দায়িত্ব গ্ৰহণ কৰাৰ সম্ভাৱনা আছে বুলি বিশেষ সূত্ৰই প্ৰকাশ কৰিছে।
বিজেপিৰ নেতৃত্বত গঠন কৰিবলগীয়া চৰকাৰত একনাথ সিন্দেই উপ মুখ্যমন্ত্ৰীৰ পদ লাভ কৰাৰ সম্ভাৱনা আছে বুলি সূত্ৰটোৱে প্ৰকাশ কৰিছে। উল্লেখ্য কালি গুৱাহাটীৰ পৰা গোৱালৈ যোৱা এৰনাথৰ অনুগামী বিধায়কসকলে আজি গোৱাৰ পৰা মুম্বাইলৈ আহিব।একনাথ শিন্দেৰ নেতৃত্বত বিদ্ৰোহী বিধায়কসকলে আজি পুৱা ১০ বজাত গোৱাৰ তাজ হোটেলত এখন সভা অনুষ্ঠিত কৰিব।সেই সভাতে পৰৱৰ্তী মুখ্যমন্ত্ৰীৰ নাম প্ৰস্তাৱ হোৱাৰ সম্ভাৱনা আছে বুলি জানিব পৰা গৈছে।
Continue Reading
