ডিজিটেল ডেস্কঃ আপুনি নিশ্চয়কৈ বহুতো ভয়ংকৰ জীৱ-জন্তুৰ কথা শুনিছে, কিন্তু আজি আমি আপোনালোকক এনে এটা বিপদজনক প্ৰাণীৰ কথা ক’বলৈ ওলাইছো, যিয়ে এখন গাঁৱৰ ৮০ জন মানুহক কেঁচাকৈ চোবাই খাইছিল। এই ভয়ংকৰ প্ৰাণীটো আছিল ১৬ ফুট দীঘল এটা ঘৰিয়াল। ঘৰিয়ালটোৰ নাম আছিল ওছামা। উগাণ্ডাৰ এখন গাঁৱত ওছামাই ৮০ জন লোকক নিজৰ চিকাৰ কৰি তুলিছিল। তাৎপৰ্যপূৰ্ণ কথাটো হ’ল গাওঁখনত এই ঘৰিয়ালটোক লৈ ইমানেই আতংক বাঢ়িছিল যে সন্ত্ৰাসবাদী ওছামা বিন লাডেনৰ নামেৰে গাওঁবাসীয়ে ঘৰিয়ালটোৰ নাম ‘ওছামা’ ৰাখিছিল। ওছামাই লৰা-বুঢ়া, ডেকা-গাভৰু কাকো ৰেহাই নিদিয়ে। তাৰ চকুৰ সন্মুখত যি পৰে তাকেই সি চিকাৰ বনাইছিল।
ওছামা নামৰ এই ভয়ংকৰ ঘৰিয়ালটো আছে উগাণ্ডাৰ লুগাংগা গাঁৱত। ১৬ ফুট দীঘল দৈৰ্ঘৰ ঘৰিয়ালটো ইমানেই শক্তিশালী যে গাওঁখনৰ ৰাইজে ইয়াক অমৰ বুলি গণ্য কৰিছে। ওছামাই ১৫ বছৰৰ ভিতৰত গাঁওখনৰ ৮০ জন লোকক কৰিলে চিকাৰ। গাঁওখনত ওছামাৰ আতংক ইমানেই বেছি যে হ্ৰদটোৰ কাষলৈ যাবলৈ সকলোৱে ভয় খায় কাৰণ হ্ৰদটোৰ ওচৰলৈ যোৱা অধিকাংশ লোকেই নিহত হৈছিল।
ওছামা আফ্ৰিকা মহাদেশৰ আটাইতকৈ ডাঙৰ হ্ৰদ ভিক্টোৰিয়া হ্ৰদত বাস কৰিছিল। অৱশেষত গাঁওবাসীৰ সহায়ত বন্যপ্ৰাণী বিষয়াসকলে ভয়ংকৰ ঘৰিয়ালটোক ধৰিছিল। ওছামাক ধৰিবলৈ এসপ্তাহতকৈও অধিক সময় ধৰি অভিযান চলোৱা হৈছিল। ওছামাক ধৰিবলৈ মাংসৰ প্ৰলোভন দিয়া হৈছিল। বন্দী কৰাৰ পিছতো হত্যা কৰা হোৱা নাছিল ওছামাক, বন্যপ্ৰাণী বিষয়াসকলে তাক লগত লৈ গৈছিল। এনেদৰে লুগাংগা গাঁৱৰ ৰাইজে ওছামাৰ সন্ত্ৰাসৰ পৰা মুক্তি লাভ কৰি স্বত্বিৰ নিঃশ্বাস পেলাইছিল।
Continue Reading
