জুবিন গাৰ্গৰ অতি জনপ্ৰিয় ২৫ টা গীত নিৰ্ধাৰণ; নতুন অসমীয়া ছবি ‘১৮ নৱেম্বৰ’ৰ গীতৰ অডিচন আৰম্ভ

ডিজিটেল ডেস্ক: নতুন অসমীয়া কথাছবি ‘১৮ নৱেম্বৰ’ৰ উদ্যোগত সমগ্ৰ অসমজুৰি আৰম্ভ হৈছে জুবিন গাৰ্গৰ গীতৰ অডিচন যাত্ৰা। উজনিৰ পৰা নামনিলৈ বিস্তৃত এই ব্যতিক্ৰমী যাত্ৰাত সহযোগী হৈছে জুবিন গাৰ্গৰ অনুৰাগী শিল্পীসকলৰ লগতে ‘জুবিন ফেন ক্লাব’।

অডিচনৰ বাবে জুবিন গাৰ্গৰ অতি জনপ্ৰিয় ২৫ টা গীত নিৰ্ধাৰণ কৰি দিয়া হৈছে। কথাছবিখনত জুবিন গাৰ্গৰ এটা বিশেষ গীত সন্নিবিষ্ট কৰা হৈছে যিটো গীত চুড়ান্ত বিজয়ী প্ৰতিযোগীয়ে গাবলৈ সুযোগ লাভ কৰিব।

ইয়াৰ অংশস্বৰূপে, আজি বৰপেটা সাহিত্য সভাৰ সভাগৃহত অনুষ্ঠিত অডিচনত প্ৰায় ৩০ জন প্ৰতিযোগীয়ে অংশগ্ৰহণ কৰে।

কথাছবিখনৰ পৰিচালক মনজিৎ শৰ্মাই জানিবলৈ দিয়া মতে, জুবিন গাৰ্গৰ কালজয়ী গীতসমূহক নতুন প্ৰজন্মৰ মাজত জীয়াই ৰখাৰ উদ্দেশ্যৰেই এই পদক্ষেপ গ্ৰহণ কৰা হৈছে।

অহা ২০ নৱেম্বৰত অসমৰ বিভিন্ন হলত মুক্তি লাভ কৰিব নতুন অসমীয়া কথাছবি ‘১৮ নৱেম্বৰ’।