ডিজিটেল ডেস্ক: নৱ প্ৰজন্মৰ জনপ্ৰিয় শিল্পী ৰাজবীৰৰ কণ্ঠত আজি মুক্তি পালে ‘অনুৰোধ’ শীৰ্ষক এটি নতুন অসমীয়া গীত। অসমীয়া সংগীত জগতত ব্যতিক্ৰমী সৃষ্টিৰে ইতিমধ্যেই ৰাজবীৰে ৰাইজৰ বিশেষ সমাদৰ লভিবলৈ সক্ষম হৈছে। এইবাৰো এক পৃথক বিষয়বস্তুক সামৰি এই গীতটি প্ৰস্তুত কৰি তুলিছে ৰাজবীৰে।
গীতটিৰ আটাইতকৈ আকৰ্ষণীয় দিশটোৱেই হ’ল ইয়াৰ 'থিম' বা বিষয়বস্তু। আমাৰ সমাজৰ এক গুৰুত্বপূৰ্ণ অথচ সচৰাচৰ চৰ্চা নোহোৱা বিষয় 'Insecurity Complex' (হীনমন্যতা বা মানসিক নিৰাপত্তাহীনতা)-ক এই গীতটিৰ জৰিয়তে অতি সুন্দৰভাৱে তুলি ধৰা হৈছে। অসমৰ সংগীত জগতত এনেধৰণৰ মানসিক মনস্তত্ত্বক লৈ কৰা কাম বিৰল বুলি কলেও ভুল নহ’ব।
এই বিশেষ প্ৰকল্পটোৰ দৃশ্যগ্ৰহণ কৰা হৈছে কলকাতাৰ ঐতিহাসিক তপন থিয়েটাৰত। থিয়েটাৰৰ ভিতৰৰ নান্দনিক পৰিৱেশে গীতটিৰ গভীৰতাক আৰু এখোপ অনন্য মাত্ৰা প্ৰদান কৰিছে।
গীতটিৰ আঁৰত আছে অসম আৰু কলকাতাৰ কেইবাগৰাকীও দক্ষ কলা-কুশলীৰ যুটীয়া প্ৰচেষ্টা।
কথা, কণ্ঠ আৰু পৰিচালনা: ৰাজবীৰ
সংগীত: ঋষিৰাজ বসু
প্ৰযোজনা: মৃন্ময় দহোতীয়া
সহ পৰিচালক: সোণমণি গোৱালা, সোভায়ন ঘোষ আৰু স্বাগতা কৰ
DOP আৰু সম্পাদনা (Editor): সৌমদীপ কৰ্মকাৰ
1st AC আৰু কালাৰিষ্ট (Colorist): সন্দীপন কৰ
কাৰ্যবাহী প্ৰযোজক: সমৰেশ দাস
সাজ-সজ্জা: নৱনীতা গগৈ
ফ'কাচ পুলাৰ: উজ্জ্বল দেৱনাথ
কলা পৰিচালক: পাৰ্থ দেৱনাথ
আৰ্ট ছেটিংছ: তনয় ৰয় আৰু টুবলু
গীতটিত অভিনয় কৰিছে— ৰাজবীৰ, আৰ্য্যন ঘোষ, পৃথা চট্টোপাধ্যায়, ৰাণা বিশ্বাস, স্নেহাশীষ দে’, পাভেল সৰকাৰ, ৰাজনীশ কাপুৰ, বিনয় দলুই আৰু ঋষিৰাজ বসুৱে।
গতানুগতিক ধাৰাতকৈ কিছু আঁতৰি, এক গভীৰ সামাজিক তথা মানসিক বিষয়বস্তুক সাৱটি নিৰ্মাণ কৰা 'অনুৰোধ' গীতটিয়ে অসমীয়া সংগীতপ্ৰেমী ৰাইজৰ হৃদয় স্পৰ্শ কৰিব বুলি আশা কৰা হৈছে। আপুনিও আজিয়েই উপভোগ কৰক এই ব্যতিক্ৰমী সৃষ্টি।
Continue Reading
