আয়বহিৰ্ভূত সম্পত্তি; পাটনাত ঔষধ পৰিদৰ্শকৰ ঘৰত অগণিত টকাৰ উজান

ডিজিটেল ডেস্ক: সম্প্ৰতি দেশ অৰ্থনৈতিকভাৱে জুৰুলা হৈ পৰিছে৷ ঋণাত্মক পৰিসংখ্যালৈ গতি কৰিছে ভাৰতৰ জিডিপিৰ মান৷ কিন্তু, একেসময়তে এইখন দেশতে এজন ধনকুবেৰে দৃষ্টি আকৰ্ষণ কৰিছে দেশবাসীৰ৷

সোঁৱে-বাঁৱে কেৱল টকাই ঘটিছে এইজন ধনকুবেৰে৷ নাম তেওঁৰ জিতেন্দ্ৰ কুমাৰ৷ পেছাত ঔষধ পৰিদৰ্শক৷ কালি ভিজিলেন্সৰ এটি  দলে তেওঁৰ ঘৰত অভিযান চলাই জব্দ কৰে ৪ কোটি টকা নগদ ধন, ৫ কিলোগ্ৰাম সোণ, ৩ কিলোগ্ৰাম ৰূপ৷ অভিযানকাৰী দলটোৱে সদৰী কৰা তথ্য অনুসৰি, উদ্ধাৰ কৰা নগদ ধন বস্তাত ৰখা হৈছিল।

পাটনাত নিৰীক্ষণ বিভাগৰ এটা দলে আয়বহিৰ্ভূত সম্পত্তিৰ গোচৰৰ সন্দৰ্ভত চুলতানগঞ্জ আৰক্ষী থানা অঞ্চলৰ খান মিৰ্জা অঞ্চলত ড্ৰাগছ পৰিদৰ্শক জিতেন্দ্ৰ কুমাৰৰ বাসগৃহত তালাচী চলায়। নিৰীক্ষণ বিভাগৰ এটা দলে শনিবাৰে পাটনাকে ধৰি চাৰিটা স্থানত একেলগে অভিযান চলায়। অভিযানত নোটেৰে ভৰ্তি পাঁচটা বস্তা, সোণ আৰু ৰূপৰ অলংকাৰ, চাৰিখন বিলাসী গাড়ী আৰু কিছু আপত্তিজনক নথি-পত্ৰ উদ্ধাৰ কৰে৷

ঔষধ পৰিদৰ্শক জিতেন্দ্ৰ কুমাৰৰ বিৰুদ্ধে ভিজিলেন্স বিভাগে অত্যাধিক সম্পত্তিৰ বাবে গোচৰ ৰুজু কৰিছিল। অভিযান চলাবলৈ আদালতৰ পৰা অনুমতি পোৱাৰ পিছত ব্যৱস্থা লোৱা হৈছিল। বাতৰি অনুসৰি, চুলতানগঞ্জৰ ঘৰটোৰ পৰা প্ৰায় ৪ কোটি টকা নগদ ধন পোৱা গৈছে। আৰু জব্দকৃত ধন গণনা কৰিবলৈ অনা হৈছিল মেচিন, কিন্তু কালি ধনখিনি গণি শেষ কৰিব নোৱাৰিলে অভিযানকাৰী দলটোৱে৷

নিৰীক্ষণ বিভাগৰ ডিএছপি সুৰেন্দ্ৰ কুমাৰ মৌৰে কৈছিল যে অসামঞ্জস্যপূৰ্ণ সম্পত্তিৰ গোচৰৰ সন্দৰ্ভত ড্ৰাগ পৰিদৰ্শক জিতেন্দ্ৰ কুমাৰৰ বিৰুদ্ধে এখন এজাহাৰ দাখিল কৰা হৈছে। এই এজাহাৰৰ ভিত্তিত শনিবাৰে জিতেন্দ্ৰ কুমাৰৰ চৌহদত অভিযান চলোৱা হয়।

অভিযোগ কৰা হৈছে যে ড্ৰাগ পৰিদৰ্শক জিতেন্দ্ৰ কুমাৰে চৰকাৰী কাম কৰি থকাৰ সময়ত ব্যাপক দুৰ্নীতি সংঘটিত কৰিছিল৷ ৰাজ্য চৰকাৰে জিতেন্দ্ৰৰ বিৰুদ্ধে উত্থাপিত অভিযোগৰ তদন্ত চলাইছিল। তদন্তটো প্ৰমাণিত হোৱাৰ পাছত ভিজিলেন্সে তেওঁৰ বিৰুদ্ধে ব্যৱস্থা গ্ৰহণ কৰে আৰু শনিবাৰে একেলগে চাৰিটা স্থানত চলাই ব্যাপক তালাচী অভিযান৷