ডিজিটেল ডেস্কঃ চৰকাৰৰ পক্ষপাতদুষ্ট ব্যৱহাৰত ক্ষুণ্ণ হৈ পৰিছে বিৰোধী৷বৰ্ষাকালীন অধিৱেশনৰ সময়ত সংসদত দাখিল কৰা বাৰখন মূল নিৰীক্ষণ প্ৰতিবেদনৰ ভিতৰত দুখনৰ সৈতে কাকতলীয়ভাৱে জড়িত আৰু দায়িত্বত থকা তিনিজন বিষয়াকে ধৰি নিয়ন্ত্ৰক আৰু মহানিৰীক্ষকক চৰকাৰে বদলি কৰিছে।
এই বাৰখন কেগৰ প্ৰতিবেদনত কেন্দ্ৰীয় চৰকাৰৰ কেইবাটাও মন্ত্ৰালয় আৰু বিভাগৰ কাম-কাজত দুৰ্নীতি আৰু অনিয়মৰ কথা পোহৰলৈ আহিছে।উল্লেখ্য যে, এই প্ৰতিবেদন দাখিল কৰা সংসদৰ বৰ্ষাকালীন অধিৱেশন ১১ আগষ্টত সমাপ্ত হয়।আৰু বিষয়াকেইজনক ১২ ছেপ্টেম্বৰত বদলিৰ নিৰ্দেশ জাৰি কৰা হয়।
ইপিনে বুধবাৰে ভাৰতীয় জাতীয় কংগ্ৰেছে বিভিন্ন আঁচনিত “দুৰ্নীতি” উদঙাই দিয়া নিয়ন্ত্ৰক আৰু মহানিৰীক্ষক (CAG)ৰ বিষয়াসকলক ভয় দেখুৱাই তেওঁলোকৰ বদলিৰ নিৰ্দেশ বাতিল কৰিবলৈ দাবী জনাইছে।
বিষয়াসকলৰ বদলি সন্দৰ্ভত সংবাদ মাধ্যমৰ বাতৰিৰ উদ্ধৃতি দি কংগ্ৰেছৰ সাধাৰণ সম্পাদক জয়ৰাম ৰমেশে অভিযোগ কৰে যে তেওঁলোকক “উন্মোচন” কৰা যিকোনো ব্যক্তিক ভাবুকি দিয়া আৰু আঁতৰোৱাটো মোদী চৰকাৰৰ কাৰ্যপ্ৰণালী।
এক্সত এক পোষ্টযোগে তেওঁ কয় যে, আমি দাবী জনাইছো যে এই বদলিৰ আদেশ শীঘ্ৰে বাতিল কৰক, বিষয়াসকল কেগলৈ ঘূৰি আহক আৰু দ্বাৰকা এক্সপ্ৰেছৱে, ভাৰতমালা আৰু আয়ুষ্মান ভাৰতৰ সৈতে জড়িত এই মেগা কেলেংকাৰীৰ ক্ষেত্ৰত ব্যৱস্থা গ্ৰহণ কৰিব লাগিব।
কংগ্ৰেছ নেতাগৰাকীয়ে অভিযোগ কৰে যে "মোদী চৰকাৰে ভয় দেখুৱাই মাফিয়া শৈলী চলায়। যদি কোনোবাই বিজেপিৰ দুৰ্নীতিৰ কাৰ্যপ্ৰণালী উদঙাই দিয়ে তেন্তে তেওঁলোকক ভাবুকি দিয়া হয় বা আঁতৰোৱা হয়"।শেহতীয়াকৈ ভুক্তভোগী হৈছে কেগৰ তিনিজন বিষয়া, যিয়ে সংসদৰ মৌচুমী অধিৱেশনৰ সময়ত দাখিল কৰা প্ৰতিবেদনত চৰকাৰী আঁচনিৰ “বৃহৎ কেলেংকাৰী” উদঙাই দিছিল বুলি তেওঁ অভিযোগ কৰে।
কেগৰ প্ৰতিবেদনত আন্তঃগাঁথনি আৰু আঁচনিৰ মাজেৰে কেলেংকাৰি হোৱা দেখা গৈছে।ইয়াত দ্বাৰকা এক্সপ্ৰেছৱে’ত ১৪০০ শতাংশ খৰচৰ মুদ্ৰাস্ফীতি আৰু নিবিদাৰ অনিয়মৰ নথিভুক্ত কৰা হৈছে, ইয়াৰ উপৰিও ঘাইপথ প্ৰকল্পৰ পৰা ৩৬০০ কোটি টকাৰ ডাইভাৰচন, ত্ৰুটিপূৰ্ণ নিবিদা প্ৰথা, আৰু ভাৰতমালা আঁচনিৰ ৬০ শতাংশ খৰচৰ মুদ্ৰাস্ফীতিৰ নথিভুক্ত কৰা হৈছে বুলি তেওঁ দাবী কৰে।
জয়ৰাম ৰমেশে লগতে দাবী কৰে যে কেৱল সেয়াই নহয় আয়ুষ্মান ভাৰত আঁচনিৰ অডিটত মৃত ৰোগী আৰু কমেও ৭.৫ লাখ হিতাধিকাৰীৰ ওপৰত কৰা লাখ লাখ টকাৰ দাবী এটা মোবাইল নম্বৰৰ সৈতে সংযুক্ত হোৱা দেখা গৈছে।ৰমেশে অভিযোগ কৰে যে আয়ুষ্মান ভাৰত আৰু দ্বাৰকা এক্সপ্ৰেছৱে কেলেংকাৰীৰ ৰিপৰ্ট দিয়াৰ দায়িত্বত থকা কেগৰ তিনিজন বিষয়াক বদলি কৰা হৈছে৷ কেগ এটা স্বতন্ত্ৰ সংস্থা হোৱাৰ কথা সত্ত্বেও মোদী চৰকাৰৰ প্ৰকাশ্য দুৰ্নীতি লুকুৱাবলৈ ব্যৰ্থ প্ৰচেষ্টা কৰা হৈছে।
Continue Reading
