ডিজিটেল ডেস্কঃ বলীউডৰ কুইন হিচাবে পৰিচিত কংগনা ৰাণাৱটে সময়ে সময়ে নানান বিষয়ত মাত মাতি আহিছে। বহু সময়ত বিতৰ্কৰো সূত্ৰপাত ঘটাই আহিছে। কংগনাৰ স্পষ্টবাদী হিচাবে নামো আছে। এতিয়া অভিনেত্ৰীগৰাকীয়ে দেশৰ যুৱ প্ৰজন্মক দেশৰ প্ৰতি দায়বদ্ধ কৰাৰ বাবে এটা নতুন উপায় উদ্ভাৱন কৰিছে।
কংগনাই শেহতীয়াকৈ এইবুলি পৰামৰ্শ আগবঢ়াইছে "স্নাতক হোৱাৰ পিছত শিক্ষাৰ্থীসকলৰ বাবে সামৰিক প্ৰশিক্ষণ বাধ্যতামূলক হ'ব লাগে। তেতিয়াহে যুৱ প্ৰজন্ম ভণ্ডামি আৰু দায়িত্বহীনতাৰ পৰা মুক্ত হ'ব। সেই সময়ৰ পৰাই শিক্ষাৰ্থীসকলক অনুশাসন শিকোৱা উচিৎ। কাৰণ তেওঁলোক দেশৰ ভৱিষ্যত।’’ কেৱল সেয়াই নহয়, কংগনাই বলীউডৰ তাৰকা আৰু ক্ৰিকেট তাৰকাসকলৰ আচৰণৰ বিষয়তো প্ৰশ্ন উত্থাপন কৰিছে।
কংগনাই কয় "যেতিয়া বলীউডৰ তাৰকাসকলে চীনা শিল্পীসকলক প্ৰশংসা কৰে, ক্ৰিকেটাৰসকলে পাকিস্তানী ক্ৰিকেটাৰসকলক আলিঙ্গন কৰে, সীমান্তত বহি থকা সেনা জোৱানসকলে সুধিছে, আমিয়েই অকলে চীন আৰু পাকিস্তানক শত্ৰু বুলি বিবেচনা কৰোঁ নেকি? দুয়োখন দেশৰ মাজৰ সংঘাত আৰু উত্তেজনা কেৱল আমাৰ বাবেই নেকি? আৰু সেই কাৰণে আমি পাকিস্তানক উত্তৰ দিবলৈ 'তেজছ' বনাইছিলো। যেতিয়া এজন সৈনিকে সীমান্তত যুঁজি থাকে, দেশৰ বহুতে ঘৰত বহি তেওঁৰ বিষয়ে অপমানজনক মন্তব্য কৰে’’। কংগনাই বিদেশী সামগ্ৰী পৰিহাৰ কৰিব লাগে বুলিও কয়।
কংগনাক পৰৱৰ্তী সময়ত 'তেজছ'ত দেখা যাব। শেহতীয়াকৈ, ছবিখনৰ ট্ৰেইলাৰ ভাৰতীয় বায়ু সেনা দিৱসত মুকলি কৰা হৈছিল। ছবি খনত অভিনেত্ৰীগৰাকীক এজন যুঁজাৰু পাইলটৰ চৰিত্ৰত অভিনয় কৰা দেখা যাব।
Continue Reading
