বাৰ্গাৰ কিং…এদিনো ছুটী নোলোৱাকৈ ২৭বছৰে কৰি গৈছে কাম, কিন্তু কোম্পানীৰ পৰা নাপালে স্বীকৃতি

ডিজিটেল ডেস্কঃ ২৭ বছৰীয়া কেৰিয়াৰত এদিনো ছুটী লোৱা নাছিল তেওঁ! এনে নিদৰ্শন দাঙি ধৰিছে বাৰ্গাৰ কিঙৰ এজন কৰ্মচাৰী কেভিন ফৰ্ডে। আনকি লোৱা নাছিল সাপ্তাহিক ছুটীও! কেভিনৰ কোম্পানীয়ে অৱশ্যে এনে এজন বিৰল আৰু নিষ্ঠাবান শ্ৰমিকক চিনি পোৱা নাছিল প্ৰথমতে। চিনেমাৰ টিকট, ষ্টাৰবাকছ চাইপাৰ আৰু কেইটামান চকলেট সহ গুডী বেগ লাভ কৰিছিল তেওঁ। কিন্তু কেভিনৰ কন্যা ছেৰেনাই পিতৃক দিলে চমক,  যি কথা পিতৃয়ে সপোনতো কল্পনা কৰিব পৰা নাছিল।

এতিয়া প্ৰশ্ন হৈছে ছেৰেনাই কি কৰিলে? পিতৃৰ কঠোৰ পৰিশ্ৰমৰ স্বীকৃতি স্বৰূপে তেওঁ ছ’চিয়েল মিডিয়াক বাচি লৈছিল। ক্ৰাউড ফাণ্ডিং ৱেবছাইট ‘গো ফাউণ্ড মি’লৈ গৈ পিতৃৰ যুঁজৰ কাহিনী ক’বলৈ গৈ ছেৰেনাই কয় যে, কেভিনে তেওঁলোকক ডাঙৰ-দীঘল কৰিবলৈ এই অসম্ভৱ কামটো কৰিছিল। ছেৰেনাৰ পিতৃৰ সংগ্ৰামৰ কাহিনী এতিয়া অনুপ্ৰেৰণা হিচাপে লৈছে নেটি‌জেনে। কেৱল কেভিনক সমৰ্থন কৰাই নহয়। জানিব পৰা মতে, কেভিনে প্ৰায় ১ কোটি ১৭ লাখ টকাৰ অনুদান সংগ্ৰহ কৰিছে। সপোন সপোন লগা কথাবোৰ  ছেৰেনাই কল্পনাই কৰিব পৰা নাছিল। জানিব পৰা মতে কমেডিয়ান তথা অভিনেতা ডেভিদ স্পেডে প্ৰথমে ৫ হাজাৰ ডলাৰ দান কৰিছিল। ভাৰতীয় মুদ্ৰাত প্ৰায় ৩.৯ লাখ টকা। বহুতে লগতে কয় যে, তেওঁৰ কোম্পানীয়ে এইদৰে নিষ্টাৰে কাম কৰা কৰ্মচাৰী কেভিনক বহু আগতেই স্বীকৃতি দিয়াৰ প্ৰয়োজন আছিল।