পুনৰ ক’ভিড! কেন্দ্ৰীয় চৰকাৰৰ জৰুৰী পত্ৰ ৰাজ্যসমূহলৈ

ডিজিটেল ডেস্কঃ হঠাত্‍ দেশত বৃদ্ধি পাইছে কৰ’না সংক্ৰমণ। ফলত বিভিন্ন স্তৰত সাৱধানতা অৱলম্বন কৰাৰ দৰে কথাবোৰো চিন্তা চৰ্চা কৰিছে সংশ্লিষ্ট মহলে। চৰকাৰী পৰ্যায়তো ক’ভিডৰ এনে প্ৰাদূৰ্ভাৱক লৈ উদ্বিগ্ন হৈ পৰা দেখিবলৈ পোৱা গৈছে।

ক’ভিডসৃষ্ট এনে পৰিৱেশৰ মাজতে কেন্দ্ৰীয় স্বাস্থ্য সচিব ৰাজেশ ভূষণে এখন পত্ৰযোগে ৰাজ্যসমূহক সতৰ্ক কৰি দিয়ে। ৯ জুনত কেন্দ্ৰই ক’ভিড সতৰ্কতামূলক বিবৃতি এখন প্ৰকাশ কৰিছিল। সেইখন আছিল অপাৰেশ্যনেল গাইডলাইন ফ’ৰ ৰিভাইছ ছাৰ্ভিলেন্স ষ্ট্ৰেটিজী অৱ ক’ভিড-১৯’। ইয়াৰ জৰিয়তে আকৌ এবাৰ ৰাজ্যসমূহক ক’ভিড সতৰ্কবাণীৰ কথা সোঁৱৰাই দিয়া হৈছে।

স্বাস্থ্য সচিব ৰাজেশ ভূষণে কয় যে, ক’ভিডৰ বিৰুদ্ধে যুঁজিবলৈ ৯ জুনত জাৰি কৰা কৌশল ‘ইণ্টিগ্ৰেটেড ডিজিজ চাৰ্ভিলেন্স প্ৰগ্ৰেম মেকানিজম’ৰ সৈতে অব্যাহত থাকিব।