বাইডেন আউট, কমলা ইন! আমেৰিকা ৰাষ্ট্ৰপতি হ’ব কমলা হেৰিছ...

ডিজিটেল ডেস্কঃ ছুপাৰ পাৱাৰ আমেৰিকা৷ সামৰিক, অৰ্থনৈতিক, প্ৰযুক্তি আদি সকলো দিশৰ পৰাই উন্নত ৰাষ্টখন৷ সৰ্বশক্তিমান ৰাষ্টখনে কৰা প্ৰতিটো কাৰ্যৰ প্ৰতি বিশ্ববাসীয়ে দৃষ্টি ৰাখে৷ শেহতীয়াকৈ, আমেৰিকা যুক্তৰাষ্টৰ আন এক খবৰে বৰ্তমান সংবাদ শিৰোনাম দখল কৰিছে৷

কমলা হেৰিছ আমেৰিকা যুক্তৰাষ্টৰ ৪৯ তম উপৰাষ্ট্ৰপতি৷ তেওঁ আমেৰিকা যুক্তৰাষ্টৰ প্ৰথম গৰাকী মহিলা উপৰাষ্ট্ৰপতি৷ চিকিৎসাধীন কাৰণত বৰ্তমান আমেৰিকাৰ ৰাষ্ট্ৰপতি জ’ বাইডেন সাময়িকভাৱে ৰাষ্ট্ৰপতি পদৰ পৰা অব্যাহতি লৈছে৷ তেওঁৰ অনুপস্থিতিত বৰ্তমান আমেৰিকাৰ উপ-ৰাষ্ট্ৰপতি কমলা হেৰিছে ৰাষ্ট্ৰপতিৰ পদৰ দৰে সৰ্ব্বোচ্ছ পদত অধিষ্ঠিত হ’ব৷ হোৱাইট হাউচৰ সূত্ৰ অনুসৰি, ৰাষ্ট্ৰপতি জ’ বাইডেন এনাচষ্টেচিয়াচ গ্ৰহণ কৰিব লগা হোৱা কাৰণে অলপ দিনৰ বাবে অচেতন হৈ থাকিব৷ জ’ বাইডেনৰ অনুপস্থিতিত বৰ্তমান কমলা হেৰিছে আমেৰিকাৰ সকলো দায়িত্ব মুৰ পাতি ল’ব লাগিব৷ অৱশ্যে আমেৰিকাৰ ইতিহাসত এনে কথা কোনো নতুন নহয়৷ পূৰ্বতেও ২০০২ আৰু ২০০৭ চনত তদানীন্তন ৰাষ্ট্ৰপতি জৰ্জ ডব্লিউ বুশে চিকিৎসাৰ বাবে ছুটি লৈছিল। সেই সময়তো, তেতিয়াৰ উপ-ৰাষ্ট্ৰপতিক অস্থায়ী ৰাষ্ট্ৰপতি কৰা হিচাপে নিযুক্তি দিছিল৷