ডিজিটেল ডেস্কঃ প্ৰাণৰ প্ৰতি সকলোৰে মমতা থাকে৷ সেয়া লাগিলে মানুহেই হওক বা জন্তুৱেই হওক৷ বিপদ যেতিয়া সমুখত উপস্থিত হয় নিজৰ প্ৰাণ বচাবলৈ সকলোৱে চেষ্টা কৰে। শেহতীয়াকৈ এক ঘটনাত মানৱীয়তাৰ বৰ সুন্দৰ নিৰ্দশন দেখিবলৈ পোৱা গ’ল।
গুজৰাটত হোৱা বানপানীয়ে ব্যাপক বিধ্বংসী ৰূপ ধাৰণ কৰিছে। বানৰ তাণ্ডৱত ক্ষতিগ্ৰস্ত হৈ জনজীৱন। এনে বিপদগ্ৰস্ত সময়ৰ মাজতে এক হৃদয়স্পৰ্শী মুহূৰ্তৰ উন্মেষ ঘটিছে যিয়ে সকলোৰে হৃদয় আকৰ্ষণ কৰিছে। এটা ভাইৰেল ভিডিঅ’ত দেখা গৈছে যে গভীৰ পানীৰ মাজেৰে খোজ কাঢ়ি যোৱা কেইজনমান সাহসী ব্যক্তিয়ে খাট এখনত উঠাই বানপানীৰ পৰা উদ্ধাৰ কৰিছে এটা অসহায় কুকুৰক। ইনষ্টাগ্ৰামত শ্বেয়াৰ কৰা এই ভিডিঅ’টোৱে ব্যাপক চৰ্চা লাভ কৰিছে।
ভিডিঅ’টোত দেখা গৈছে বানত ডুব যোৱা ঘৰ আৰু খাটত কুকুৰ কঢ়িয়াই লৈ ফুৰা কেইজনমান মানুহক।
গুজৰাটৰ এই ভিডিঅ’টো ভাইৰেল হৈ পৰিল আৰু মানুহে মানৱতা এতিয়াও জীয়াই আছে বুলি মন্তব্য প্ৰকাশ কৰিছে।
Continue Reading
