ডিজিটেল ডেস্কঃ হাৰিয়ানা দক্ষতা নিয়োগ নিগমৰ অন্তৰ্গত চাফাই কৰ্মচাৰীৰ পদত নিযুক্তিৰ বাবে আৱেদন প্ৰক্ৰিয়াৰ অন্ত পৰিল। এই নিযুক্তি ঠিকাভিত্তিকভাৱে কৰা হ’ব। এই নিযুক্তিৰ বাবে বহু স্নাতক আৰু স্নাতকোত্তৰ প্ৰাৰ্থীয়ে আবেদন কৰিছে। এইবোৰত এটা চাঞ্চল্যকৰ পৰিসংখ্যাৰ উন্মেষ ঘটিছে। এই পদৰ বাবে ৪৬ হাজাৰৰো অধিক স্নাতক আৰু স্নাতকোত্তৰ ছাত্ৰ-ছাত্ৰীয়ে প্ৰ-পত্ৰ পূৰণ কৰিছে।
এই নিযুক্তিৰ বাবে ৬,০০০ স্নাতকোত্তৰ আৰু ৪০,০০০ স্নাতক ছাত্ৰ-ছাত্ৰীয়ে আবেদন কৰিছে। ইয়াৰ উপৰিও দ্বাদশ শ্ৰেণীৰ উত্তীৰ্ণ আবেদনকাৰীৰ সংখ্যা ১.২ লাখ। হাৰিয়ানা দক্ষতা নিয়োগ নিগমৰ অধীনত ৫ হাজাৰ চাফাই কৰ্মীৰ পদত নিযুক্তিৰ বাবে আবেদন আহ্বান কৰা হৈছে। নিৰ্বাচিত প্ৰাৰ্থীয়ে প্ৰতিমাহে ১৫ হাজাৰ টকা দৰমহা পাব। এই পদসমূহৰ বাবে নিৰ্বাচিত প্ৰাৰ্থীসকলক ৰাজহুৱা স্থান, ৰাস্তা-ঘাট, অট্টালিকা আৰু জাবৰ-জোঁথৰ পৰিষ্কাৰ কৰাৰ কাম অৰ্পণ কৰা হ’ব।
উল্লেখ্য যে তেওঁলোকৰ নিযুক্তি কেৱল তেওঁলোকৰ গৃহ জিলাতহে হ’ব। হাৰিয়ানা দক্ষতা নিয়োগ নিগমে এই নিযুক্তিৰ অধিসূচনা প্ৰকাশ কৰে ৷ আৰু অনলাইন আবেদন প্ৰক্ৰিয়া ২০২৪ চনৰ ৬ আগষ্টৰ পৰা আৰম্ভ হৈ ২২ আগষ্টত শেষ হয় । এই নিযুক্তিৰ বাবে পৰীক্ষাৰ্থীৰ বয়স ১৮ৰ পৰা ৪২ বছৰৰ ভিতৰত হ’ব লাগিব আৰু নূন্যতম অৰ্হতা অষ্টম শ্ৰেণী উত্তীৰ্ণ হ’ব লাগিব।
২০২৩ চনত ‘চেণ্টাৰ ফৰ মনিটৰিং ইণ্ডিয়ান ইকনমি’য়ে প্ৰকাশ কৰা নিবনুৱাৰ হাৰৰ তথ্য অনুসৰি ডিচেম্বৰ মাহত হাৰিয়ানাত সৰ্বাধিক নিবনুৱাৰ হাৰ (৩৭.৪ শতাংশ) আছিল । ইয়াৰ পিছত ৰাজস্থানত নিবনুৱাৰ হাৰ ২৮.৫ শতাংশ, দিল্লীত ২০.৮ শতাংশ, বিহাৰত ১৯.১ শতাংশ আৰু ঝাৰখণ্ডত ১৮ শতাংশ হয় ।
Continue Reading
