হংকঙক ৭ উইকেটত পৰাস্ত বাংলাদেশৰ, লিটন দাসৰ উজ্জ্বল অৰ্ধশতক

ডিজিটেল ডেস্কঃ এছিয়া কাপ ২০২৫ৰ তৃতীয়খন খেলত বাংলাদেশে হংকঙক ৭ উইকেটত পৰাস্ত কৰি জয়েৰে অভিযান আৰম্ভ কৰে। 

বাংলাদেশে টছত জয়লাভ কৰি আবুধাবিৰ শ্বেখ জায়েদ ষ্টেডিয়ামত বলিং কৰাৰ সিদ্ধান্ত লয়। হংকঙে ২০ অভাৰত ৭ উইকেটত ১৪৩ ৰান সংগ্ৰহ কৰে। অধিনায়ক লিটন দাসৰ উৎকৃষ্ট অৰ্ধশতকৰ বলত বাংলাদেশে ১৭.৪ অভাৰত ৩ উইকেটত ১৪৪ ৰান সংগ্ৰহ কৰে।

হংকঙৰ হৈ নিজাকাত খানে ৪২, জিশান আলীয়ে ৩০ আৰু বাবৰ হায়াতে ১৪ ৰান সংগ্ৰহ কৰে। অংশুমান ৰাথে ৪, আইজাজ খানে ৫ আৰু কিনচিন্ত শ্বাহে একাউণ্ট খুলিব নোৱাৰিলে। কলহান চাল্লুৱে ৪ ৰান সংগ্ৰহ কৰি অপৰাজিত হৈ থাকে আৰু এহছান খানে ২ ৰান সংগ্ৰহ কৰি অপৰাজিত হৈ থাকে। তাস্কিন আহমেদ, তানজিম হাছান ছাকিব আৰু ৰিছহাদ হুছেইনে ২-২ উইকেট দখল কৰে।

বাংলাদেশৰ হৈ লিটন দাসে ৫৯ ৰান সংগ্ৰহ কৰে। পাৰভেজ হুছেইন ইমন ১৯ ৰান সংগ্ৰহ কৰি আউট হয় আৰু তাঞ্জিদ হাছান তামিমে ১৯ ৰান সংগ্ৰহ কৰি আউট হয়। তৌহিদ হৃদয়ে ৩৫ ৰান সংগ্ৰহ কৰি অপৰাজিত হৈ থাকে আৰু জাকেৰ আলীয়ে একাউণ্ট খুলি নোপোৱাকৈ অপৰাজিত হৈ থাকে। হংকঙৰ হৈ আতিক ইকবালে ২ উইকেট দখল কৰে। আয়ুষ শুক্লাই ১ উইকেট দখল কৰে।