ডিজিটেল ডেস্কঃ বাংলাদেশৰ মাগুৰা-১ৰ পৰা প্ৰতিদ্বন্দ্বিতা কৰিছিল ছাকিব আল হাছানে। বাংলাদেশৰ ক্ৰিকেট দলৰ অধিনায়ক আওমিয়ে লীগৰ নিৰ্বাচনত জয়লাভ কৰি সাংসদ হয়। বাংলাদেশ ক্ৰিকেট ব’ৰ্ডৰ সভাপতি নজমুল হাছান পাপোনেও জয়ী হয়।
কেপ্তেইন ছাকিব এতিয়া ৰাজনৈতিক নেতা। তেওঁ মাগুৰা-১ৰ পৰা নিৰ্বাচনত অৱতীৰ্ণ হৈছিল। বাংলাদেশৰ সংবাদ মাধ্যমৰ সূত্ৰ অনুসৰি তাত ছাকিবে ১,৮৫,৩৮৮টা ভোট লাভ কৰে। তেওঁৰ বিৰুদ্ধে থিয় দিয়া অধিবক্তা কাজী ৰেজাউল হোছেইনে লাভ কৰে ৫,৯৯৪টা ভোট। অৰ্থাৎ প্ৰথমবাৰৰ বাবে ছাকিব সাংসদ হৈ বিপুল ব্যৱধানত জয়লাভ কৰে।
বাংলাদেশত সাংসদ হোৱা তৃতীয়জন ক্ৰিকেটাৰ ছাকিব। ইয়াৰ পূৰ্বে নাইমুৰ এহছান দুৰ্জয় আৰু মাছৰাফে মৰ্তাজা সাংসদ হৈছিল। ২০১৪ চনত প্ৰথমবাৰৰ বাবে জয়ী হৈছিল নাইমুৰে। পিছত ২০১৮ চনত তেওঁ নিৰ্বাচনত জয়ী হৈছিল। ২০১৮ চনত প্ৰথমবাৰৰ বাবে মৰ্টাজাই জয়লাভ কৰিছিল। এইবাৰো তেওঁ নিৰ্বাচনত থিয় দিলে।
কিন্তু ক্ৰিকেটৰ পৰা অৱসৰ লোৱা নাই ছাকিবে। তেওঁ ক্ৰিকেট আৰু ৰাজনীতি দুয়োটা একেলগে চম্ভালিব। ১৯ জানুৱাৰীৰ পৰা আৰম্ভ হ’ব বাংলাদেশ প্ৰিমিয়াৰ লীগ। ৰংপুৰ ৰাইডাৰ্ছৰ অধিনায়ক ছাকিব। সেই দলটোৰ বাবে তেওঁ খেলপথাৰত প্ৰৱেশ কৰিব।
Continue Reading
