বাংলাদেশী জাহাজত ৰাছিয়াৰ মিছাইল আক্ৰমণ;এজন নাবিক নিহত

ডিজিটেল ডেস্কঃ ৰাছিয়া আৰু ইউক্ৰেইনৰ মাজত অব্যাহত আছে ভয়ংকৰ যুদ্ধ। যুদ্ধই আজি অষ্টম দিনত ভৰি দিলে। যুদ্ধ মীমাংসাৰ দিশে আগবঢ়া নাই। ৰাছিয়াৰ সৈন্য বাহিনীয়ে ৰাজধানী কিয়েভকে ধৰি খাৰকিভ আৰু খেৰচান চহৰত আক্ৰমণ তীব্ৰতৰ কৰি তুলিছে। এই দুয়োখন দেশৰ মাজত চলি থকা যুদ্ধৰ ফলত এগৰাকী বাংলাদেশী যুৱকে হেৰুৱালে প্ৰাণ। ওলভিয়া বন্দৰত এটা ৰাছিয়ান মিছাইলে হঠাতে বাংলাদেশ শ্বিপিং কৰ্পোৰেশ্যনক আঘাত কৰাত বাংলাদেশৰ এজন নাবিক নিহত হয়। ওলভিয়া বন্দৰত আৱদ্ধ হৈ থকা বাংলাদেশ শ্বিপিং কৰ্পোৰেশ্যনৰ ওপৰত হঠাতে এটা ৰাছিয়াৰ মিছাইলে আঘাত কৰাত নাবিকজন নিহত হয়। নিহত নাবিকজনক হাদিছুৰ ৰহমান বুলি চিনাক্ত কৰা হৈছে।মিছাইল আক্ৰমণৰ সন্মুখীন হোৱা বাংলাদেশৰ জাহাজখনৰ নাম বাংলাৰ সমৃদ্ধি। ৰাছিয়াই বৃহস্পতিবাৰে ইউক্ৰেইনৰ প্ৰতিৰক্ষা মন্ত্ৰালয়ৰ লগতে ৰাজধানী কিয়েভত কেইবাটাও বৃহৎ বিমান আক্ৰমণ চলাইছিল। আৰু পঢ়কঃ ৰাষ্ট্ৰপতি পুটিনক হত্যা কৰিলে ৭.৫ কোটি টকাৰ পুৰস্কাৰ ঘোষণা ৰাছিয়াৰ ব্যৱসায়ীৰ