বেংক বেচৰকাৰীকৰণ কৰাৰ প্ৰতিবাদত সমগ্ৰ দেশতে সোম আৰু মঙলবাৰে ধৰ্মঘট

ডিজিটেল ডেস্কঃ কেন্দ্ৰীয় ট্ৰেড ইউনিয়নৰ এক যুটীয়া মঞ্চই কেন্দ্ৰীয় চৰকাৰৰ নীতিৰ বিৰুদ্ধে প্ৰতিবাদ সাব্যস্ত কৰিবলৈ সোমবাৰ আৰু মঙলবাৰে দেশজুৰি ধৰ্মঘটৰ আহ্বান জনাইছে। বেংকিং খণ্ডই এই ধৰ্মঘট ত যোগদান কৰিব বুলি অল ইণ্ডিয়া বেংক এমপ্লয়ীজ এছ’চিয়েশ্যনে জানিবলৈ দিছে। ২২ মাৰ্চত কেন্দ্ৰীয় ট্ৰেড ইউনিয়নসমূহৰ যুটীয়া মঞ্চৰ বৈঠকৰ পাছতে দেশজুৰি ধৰ্মঘটৰ আহ্বান জনোৱা হৈছিল। বিভিন্ন ৰাজ্যত প্ৰস্তুতিৰ বুজ লোৱাৰ পাছত, কেন্দ্ৰীয় ট্ৰেড ইউনিয়নে কেন্দ্ৰীয় চৰকাৰৰ ‘শ্ৰমিক বিৰোধী, কৃষক বিৰোধী, জনবিৰোধী আৰু দেশবিৰোধী নীতি’ৰ বিৰুদ্ধে দুদিনীয়া সৰ্বভাৰতীয় ধৰ্মঘট ঘোষণা কৰে। বেংক ইউনিয়নবোৰে ৰাজহুৱা খণ্ডৰ বেংকসমূহৰ বেচৰকাৰীকৰণৰ চৰকাৰৰ পৰিকল্পনাৰ লগতে বেংকিং আইন সংশোধনী বিধেয়ক ২০২১ৰ বিৰুদ্ধে প্ৰতিবাদ কৰিবলৈ ধৰ্মঘটত অংশগ্ৰহণ কৰিব বুলি জানিবলৈ দিছে। ভাৰতীয় ষ্টেট বেংকে গ্ৰাহকসকলকো অৱগত কৰি কৈছে যে এটা বিবৃতি জাৰি কৰিছে যে এই ধৰ্ণঘটৰ ফলত ২৮ আৰু ২৯ মাৰ্চত বেংকিং সেৱা প্ৰভাৱিত হ’ব পাৰে। অৱশ্যে অৱসৰ গ্ৰহণ কৰা কোনো লোকৰ যদি পেঞ্চন আছে, তেওঁলোকে ধৰ্মঘটৰ কাৰ্যসূচীৰ দ্বাৰা প্ৰভাৱিত নহ’ব। কয়লা, ইস্পাত, তেল, টেলিকম, ডাক, আয়কৰ, তাম আৰু বীমাৰ দৰে অন্যান্য বিভিন্ন খণ্ডৰ শ্ৰমিকসকলে এই ধৰ্মঘটত অংশগ্ৰহণ কৰিব বুলি জানিব পৰা গৈছে। ৰে’লৱে আৰু প্ৰতিৰক্ষা খণ্ডৰ ইউনিয়নসমূহে দেশৰ বহুতো ঠাইত ধৰ্মঘটৰ সমৰ্থনত গণসংগ্ৰাম কৰিব নিশ্চয়তা প্ৰদান কৰিছে।