প্ৰধানমন্ত্ৰী গৰিব কল্যাণ অন্ন যোজনা পুনৰ ৬ মাহৰ বাবে বৃদ্ধি

ডিজিটেল ডেস্কঃ মোদী চৰকাৰে বৰ্তমান প্ৰধানমন্ত্ৰী গৰিব কল্যাণ অন্ন যোজনা আঁচনি বন্ধ নকৰাৰ সিদ্ধান্ত লৈছে। আঁচনিখন আৰু ছমাহৰ বাবে সম্প্ৰসাৰিত কৰা সিদ্ধান্ত লোৱা হৈছে। উল্লেখ্য যে এই অভিলাষী আঁচনিখন দেশৰ জটিল ক’ভিডকালীন পৰিস্থিতিত অনা হৈছিল। যদিও কৰ’না সম্পৰ্কীয় নিষেধাজ্ঞা উঠাই লোৱা হৈছে, এই প্ৰকল্পৰ ম্যাদ বৃদ্ধি কৰাৰ সিদ্ধান্ত বিশেষজ্ঞসকলে অতি গুৰুত্বপূৰ্ণ বুলি বিবেচনা কৰিছে। ২০২০ চনৰ মাৰ্চ মাহত যেতিয়া দেশখনে কৰ’না পৰিস্থিতিৰ সৈতে যুঁজি আছিল, নৰেন্দ্ৰ মোদীয়ে তেতিয়া গৰিব কল্যাণ যোজনা ঘোষণা কৰিছিল। এই প্ৰকল্পটোৰ অধীনত কেইবাটাও সুবিধা আছে- দৰিদ্ৰতা ৰেখাৰ তলৰ পৰিয়ালক প্ৰতিমাহে ৫ কিলোগ্ৰাম খাদ্যশস্য আৰু ১ কিলোগ্ৰাম মাহজাতীয় শস্য দিয়া হয়। কেন্দ্ৰই দাবী কৰিছে যে ৰাষ্ট্ৰীয় খাদ্য সুৰক্ষা মিছনৰ অধীনত ৮০ কোটি লোক এই আঁচনিৰ পৰা লাভান্বিত হৈছে। যিসকল পৰিয়াল বিপিএল কাৰ্ডধাৰক, অৰ্থাৎ দৰিদ্ৰতা ৰেখাৰ তলত বাস কৰা পৰিয়ালবোৰে এই সুবিধা লাভ কৰি আছে। দেশৰ জটিল ক’ভিডকালীন পৰিস্থিতিত অনা এই আঁচনিখনৰ বাবে প্ৰধানমন্ত্ৰী নৰেন্দ্ৰ মোদীক বহুলোকক প্ৰায় আশ্বস্ত কৰিছিল। মোদীক লৈ আন্তঃৰাষ্ট্ৰীয় মঞ্চত আঁচনিখনৰ বাবে প্ৰশংসা কৰা দেখা গৈছিল। দেশত বৰ্তমান কৰ’না সংক্ৰমণ হ্ৰাস পাইছে। এনে পৰিস্থিতিত, মোদী চৰকাৰে আঁচনিখনৰ ম্যাদ আৰু ছমাহৰ বৃদ্ধি কৰাৰ সিদ্ধান্ত যথেষ্ট। অহা ছেপ্টেম্বৰ লৈকে, সাধাৰণ ৰাইজে এই আঁচনিখনৰ লাভালাভ লাভ কৰিব।