ডিজিটেল ডেস্কঃ বনে-জংঘলে ঘূৰি ফুৰি বিশ্বৰ মানুহক নানান খবৰ দি থকা বেয়াৰ গ্ৰিলছৰ এক নতুন ৰূপে এতিয়া বহুতকে আকৰ্ষিত কৰিছে। গ্ৰীলছে শেহতীয়াকৈ 'লুঙী ' পিন্ধি এখন ফটো টুইট কৰিছে। লুঙী পিন্ধা ছবি খন চাই নেটিজেন নানান ধৰণে মন্তব্য কৰা পৰিলক্ষিত হৈছে।
গ্ৰীলছে স্কটলেণ্ডৰ পৰা আৰম্ভ কৰিব তেওঁৰ পৰৱৰ্তী দুঃসাহসিক অভিযান। এই খবৰটোৱেই তেওঁ লুঙীৰ দৰে সাজ পিন্ধি টুইটাৰত প্ৰকাশ কৰিছিল। নেটিজেনসকলে গ্ৰীলছে পিন্ধা লুঙীকলৈ নানান মন্তব্য কৰিছে।
পোষ্টটো ১২০ হাজাৰতকৈও অধিক লোকে প্ৰত্যক্ষ কৰিছে আৰু অনুৰাগীসকলৰ মন্তব্যৰে পোষ্টটো ভৰি পৰিছে। বহু সংখ্যক নেটিজেনে গ্ৰীলছে পিন্ধা লুঙীকলৈ মন্তব্য কৰিছে। কিছুমানে লিখিছে "এয়া লুঙীযেন লাগিছে!"
আন এজন ব্যৱহাৰকাৰীয়ে লিখিছে , "লুঙী নৃত্যৰ বাবে গ্ৰীলছ সাজু হৈছে।’’ উল্লেখ্য বেয়াৰ গ্ৰিলছৰ অনুষ্ঠানত প্ৰধানমন্ত্ৰী নৰেন্দ্ৰ মোদী আৰু বলীউডৰ চুপাৰষ্টাৰ অক্ষয় কুমাৰেও অংশগ্ৰহণ কৰিছিল। শেহতীয়াকৈ গ্ৰীলছে তেওঁৰ অনুষ্ঠানলৈ অভিনেত্ৰী প্ৰিয়ংকা চোপ্ৰা আৰু ক্ৰিকেটাৰ বিৰাট কোহলীকো অনাৰ কথা বিবেচনা কৰি আছে। প্ৰধানমন্ত্ৰী মোদী আৰু অক্ষয় কুমাৰৰ বাহিৰেও গ্ৰীলছৰ অনুষ্ঠানত ৰণবীৰ সিং, বিকি কৌশল আদিকে ধৰি অন্যান্য বিখ্যাত ভাৰতীয় চেলিব্ৰিটিয়ে ভাগ লৈছে।
Continue Reading
