ডিজিটেল ডেস্ক: প্ৰথমবাৰৰ বাবে কলকাতাৰ আৰ জি কাৰ চিকিৎসা মহাবিদ্যালয়ত এগৰাকী প্ৰশিক্ষাৰ্থী চিকিৎসকৰ ধৰ্ষণ-হত্যাৰ ঘটনাক লৈ দুখ প্ৰকাশ কৰিছে দেশৰ ৰাষ্ট্ৰপতি দ্ৰৌপদী মুৰ্মুৱে। প্ৰথম মন্তব্যত তেওঁ কয় যে ‘মই ভয় খাইছো,হতাশ হৈছো’।
যোৱা ৯ আগষ্টত কলকাতাৰ আৰ জি কাৰ চিকিৎসা মহাবিদ্যালয়ত এগৰাকী মহিলা প্ৰশিক্ষাৰ্থী চিকিৎসকক হত্যা আৰু যৌন নিৰ্যাতনৰ ঘটনা সংঘটিত হৈছিল ৷ যাৰ ফলত দেশৰ বহু ঠাইত চিকিৎসকে ধৰ্মঘট কৰাৰ লগতে প্ৰায়বোৰ চিকিৎসালয় সেৱা স্তব্ধ হৈ পৰে। এই ঘটনাই ৰাষ্ট্ৰীয় ক্ষোভ সৃষ্টি কৰাৰ লগতে দেশৰ বিভিন্ন ৰাজ্যৰ জনসাধাৰণে তীব্ৰ প্ৰতিবাদ সাব্যস্ত কৰে।
মহিলাৰ বিৰুদ্ধে হোৱা অপৰাধক লৈ দুখী ৰাষ্ট্ৰপতি মুৰ্মুৱে সংবাদ মাধ্যমত কয় যে এফালে ছাত্ৰ-ছাত্ৰী, চিকিৎসক আৰু নাগৰিকে কলকাতাত প্ৰতিবাদ সাব্যস্ত কৰি আছে, আনফালে আন ঠাইত অপৰাধীয়ে ঘূৰি ফুৰিছে। 'বহুত হ'ল, এতিয়া কিবা এটা কৰিব লাগিব।’
ৰাষ্ট্ৰপতি দ্ৰৌপদী মুৰ্মুৱে কয় যে কোনো সভ্য সমাজে কন্যা আৰু ভগ্নীৰ ওপৰত এনে অত্যাচাৰৰ অনুমতি দিব নোৱাৰে। সমাজক ‘সৎ, নিৰপেক্ষ আত্মনিৰীক্ষণ’ৰ প্ৰয়োজন, নিজকে কিছুমান কঠিন প্ৰশ্ন সুধিব লাগে।
Continue Reading
