--°C
Loading...
Listen to Article
2 min read
80%
ডিজিটেল ডেস্ক: কিৰণ ৰাওৰ ছবি ‘লাপাটা লেডিজ’ক অস্কাৰ ২০২৫ৰ বাবে ভাৰতৰ অফিচিয়েল এণ্ট্ৰি হিচাপে নিৰ্বাচিত কৰা হৈছে। এই ছবিখনে শ্ৰেষ্ঠ বিদেশী চলচ্চিত্ৰ শাখাত মনোনয়ন লাভ কৰিছে। ‘লাপাটা লেডিজ’ৰ সকলো অভিনেতাই নিজৰ শক্তিশালী অভিনয়েৰে দৰ্শকৰ হৃদয় জয় কৰিছে। এই বৰ্ষতে ছবিগৃহত মুক্তি পোৱা এই ছবিখনে কম বাজেটত বহুত টকা উপাৰ্জন কৰিবলৈ সক্ষম হৈছে । একে সময়তে অ’টিটিত মুক্তি পোৱাৰ পিছতো ছবিখনে অ’টিটি প্ৰেমীৰ পৰা অতি ভাল সঁহাৰি লাভ কৰিছিল আৰু এতিয়া ছবিখনে অস্কাৰত প্ৰৱেশ কৰিবলৈ সক্ষম হৈছে।


Laapataa Ladies (2024) - Movie | Reviews, Cast & Release Date - BookMyShow

বিশেষ কথাটো হ’ল যে আমিৰ খানে নিজেই এই ছবিখনত এটা চৰিত্ৰত অভিনয় কৰাৰ ইচ্ছা প্ৰকাশ কৰিছিল, যাৰ বাবে তেওঁ অডিচনো দিছিল। অৱশ্যে ছবিখনৰ বাবে তেওঁক বহুত ডাঙৰ তাৰকা বুলি কৈ নাকচ কৰা হয়। ইয়াৰ পিছত সেই চৰিত্ৰটোত অভিনয় কৰিছিল ৰবি কিষাণে। এক সাক্ষাতকাৰত এই কথা প্ৰকাশ কৰে আমিৰ খানে। চলিত বৰ্ষৰ আৰম্ভণিতে আমিৰ খানে জনায়, ‘কাহিনীটো সঁচাকৈয়ে ভাল আছিল আৰু ইয়াতো এটা মুখ্য চৰিত্ৰ আছিল। মই ভাবিলোঁ এই কাহিনীটো কিৰণক দিম, হয়তো তেওঁ ভাল পাব।’

আমিৰ খানে ছবিখনত ৰবি কিষাণে অভিনয় কৰা থানেদাৰৰ চৰিত্ৰত অভিনয় কৰিব বিচাৰিছিল। আমিৰ খানে কয়, ‘মই ছবিখনত এটা ভূমিকা ল’ব বিচাৰিছিলো, কিন্তু কিৰণে ক’লে, আপুনি বহুত ডাঙৰ তাৰকা, মোৰ ছবিখন সৰু, আপুনি ইয়াক নষ্ট কৰিব। মই ক’লোঁ, অন্ততঃ মোক স্ক্ৰীণ টেষ্ট এটা কৰিবলৈ দিয়া, সকলো সদস্যই চাব যে এই ভূমিকাটোৰ বাবে মই উপযুক্ত হয় নে নহয়। সেইবাবেই স্ক্ৰীণ টেষ্টটো দিলোঁ।’ 

তেওঁ  কয়, ‘স্ক্ৰীণ টেষ্টৰ পিছত কিৰণ আৰু মই ভূমিকাটো ভাল পাইছিলোঁ, কিন্তু মই যদি তাৰকা হিচাপে দেখা পাওঁ তেন্তে সমস্যাৰ সৃষ্টি হ’ব ৷ কিৰণে সেই চৰিত্ৰত মোক বিচৰা নাছিল’। মোৰ পৰা মানুহে বহুত আশা কৰে। আমি অনুভৱ কৰিছিলো যে মই ছবিখনত থাকিব নালাগে।’ 

'लापता लेडीज' में काम करना चाहते थे आमिर

ইয়াৰ পিছত আমিৰে পুনৰ কিৰণ ৰাওক ক’লে যে তেওঁ ট্ৰপিক থাণ্ডাৰত ৰবাৰ্ট ডাউনী জুনিয়ৰৰ দৰে চেহেৰা সলনি কৰিবলৈ সাজু, কিন্তু পৰিচালকৰ প্ৰতিক্ৰিয়াই তেওঁক ৰখাই দিলে। তেওঁ ক’লে, ‘মই মোৰ চেহেৰা সলনি কৰিম’, যাৰ উত্তৰত কিৰণে ক’লে, ‘তেন্তে কি লাভ’?’ একেখন ৰেলতে হেৰাই যোৱা দুগৰাকী নৱবিবাহিত কইনাৰ ওপৰত আধাৰিত ছবিখন। এই ছবিখন বিপ্লৱ গোস্বামীৰ বঁটা বিজয়ী কাহিনীৰ আধাৰত নিৰ্মিত।’


এই ছবিখনৰ কাহিনী আৰু সংলাপ স্নেহা দেশাই লিখিছে, অতিৰিক্ত সংলাপ লিখিছে দিব্যনিদী শৰ্মাই। আমিৰ খান প্ৰডাকচন আৰু কিণ্ডলিং প্ৰডাকচনৰ অধীনত নিৰ্মিত কিৰণ ৰাওৰ ছবি ‘লাপাটা লেডিজ’ ছবিগৃহত মুক্তিৰ পূৰ্বে ২০২৩ চনত টৰন্টো আন্তঃৰাষ্ট্ৰীয় চলচ্চিত্ৰ মহোৎসৱত (টিআইএফএফ) প্ৰদৰ্শিত হৈছিল। এই ছবিখন চলিত বৰ্ষৰ মাৰ্চ মাহত মুক্তি পাইছিল, তাৰ পিছত কেইমাহমানৰ পিছত অ’টিটি প্লেটফৰ্ম নেটফ্লিক্সত মুক্তি পায়। তাতো ছবিখনে যথেষ্ট সঁহাৰি পালে।

Laapataa Ladies review: Kiran Rao weaves content, comedy and conversations  | Bollywood - Hindustan Times


শেহতীয়াকৈ কিৰণ ৰাওৰ পৰিচালনাত নিৰ্মিত ‘লাপাটা লেডিজ’ ছবিখনক অস্কাৰ বঁটাৰ বাবে ভাৰতৰ আনুষ্ঠানিক প্ৰৱেশ হিচাপে নিৰ্বাচিত কৰা হৈছে। ভাৰতীয় ফিল্ম ফেডাৰেচনে অস্কাৰৰ বাবে ‘লাপাটা লেডিজ’ক আনুষ্ঠানিকভাৱে নিৰ্বাচিত কৰাৰ কথা ঘোষণা কৰাৰ লগে লগে সকলোৰে মন সুখেৰে ভৰি পৰিছে ৷

আপোনালোকে জানি আচৰিত হ’ব যে কিৰণ ৰাওৰ এই ছবিখনক অসমৰ সুনামধন্য চলচ্চিত্ৰ নিৰ্মাতা জাহ্নু বৰুৱাৰ নেতৃত্বত গঠিত ১৩ জনীয়া প্ৰতিষ্ঠিত জুৰীৰ দ্বাৰা নিৰ্বাচিত কৰা হয় ।


Oscars 2025 Date & Timeline Set ...


FOLLOW US F
POPULAR
FEATURE
TRENDY
বিশ্বৰ প্ৰখ্যাত বিত্তীয় সংস্থা গ'ল্ডমেন চছৰ দাবী! দহ বছৰত বিশ্বক হতবাক কৰিব পৰা অৰ্থনৈতিক প্রগতি হ'ব ভাৰতৰ
হোষ্টেলত ৪২৬ টা শিশুৰ খাদ্যত ফেনাইল মিহলাই হত্যা কৰাৰ ষড়যন্ত্ৰ! এনেকৈ পৰিল জীৱন ৰক্ষা
ভিটামিন চিৰ বাবে দৈনিক ইমান পৰিমাণৰ কিৱি খালে শৰীৰৰ ৰোগ প্ৰতিৰোধ ক্ষমতা শক্তিশালী হয়
শিলচৰত কৰুণ ঘটনা! মাছ মাৰিবলৈ গৈ ২২ বছৰীয়া যুৱকৰ মৃত্যু
যিসকলে দাঁতৰ যত্ন ল’ব নোৱাৰে, তেওঁলোকে সেনাৰ গুৰুত্বপূৰ্ণ অভিযানৰ দায়িত্ব কেনেকৈ ল’ব? দাঁত লেতেৰা বাবেই ব্ৰিটিছ সেনাই চাকৰিৰ পৰা বৰ্খাস্ত কৰিলে ১৭০ জন জোৱানক
প্ৰধানমন্ত্ৰীৰ ডিগ্ৰীৰ তথ্য ৰাজহুৱা কৰাত ন্যায়ালয়ৰ নিষেধাজ্ঞা
পৰিয়ালে প্ৰেমত দিছিল বাধা, প্ৰেমিক-প্ৰেমিকা পালেহি থানা ; মন্দিৰত বিয়া পাতি দিলে আৰক্ষীয়ে
হৃদৰোগৰ পৰা হাত সাৰিবলৈ কি কৰিব লাগে? জানি লওক ভালদৰে
স্বামীৰ সৈতে বিবাহ বিচ্ছেদ, ইৰফানৰ সৈতে লিভ-ইন ৰিলেছনশ্বিপ; ওলমি থকা অৱস্থাত উদ্ধাৰ বিউটিচিয়ান মীনুৰ মৃতদেহ
ৰাষ্ট্ৰপতি-প্ৰধানমন্ত্ৰীৰে বাৰ্তালাপৰ অভিজ্ঞতা বর্ণনা কৰি উৎফুল্ল দীপ্তি চহৰীয়া
ভয়ানক বিপদৰ পৰা ৰক্ষা পৰিল দেৰগাঁও!  পেট্ৰ’ল পাম্পৰ চৌহদত ভয়ংকৰ অগ্নিকাণ্ডৰ সূত্ৰপাত
'আগতে কোনো মুখ্যমন্ত্রী বি টি চিলৈ অহা নাছিল, মই ২০০ বাৰ আহিছোঁ', গোসাইগাঁৱত বিজয় সংকল্প সমাৰোহত মুখ্যমন্ত্রী
ভাৰতীয় বায়ুসেনাই দেখুৱালে মানৱীয়তা! থাই নাগৰিকৰ জীৱন ৰক্ষাৰ বাবে দেখুৱালে অদম্য সাহস
ডিব্ৰুগড় জিলাত কলেৰা ৰোগীৰ প্ৰাদুৰ্ভাৱক লৈ হাই এলাৰ্ট জাৰি ; স্বাস্থ্য বিভাগৰ যুটীয়া সঞ্চালকৰ সংবাদমেল সম্বোধন