ডিজিটেল ডেস্কঃ দক্ষিণৰ নায়ক নাগা চৈতন্যৰ সৈতে বিবাহ বিচ্ছেদৰ হো-হোৱাই চাহিদা বৃদ্ধি পাইছে সামান্থা ৰুথ প্ৰভুৰ। দক্ষিণৰ চিনেমাৰ সৰ্বাধিক দৰমহা পোৱা অভিনেত্ৰী গৰাকীৰ ভিতৰত অন্যতম সামান্থা। ব্লকবাষ্টাৰ ছুপাৰ হিট চলচ্চিত্ৰ ‘পুষ্পা: দ্য ৰাইজ’ৰ আইটেম ছং ‘অ’ অন্তভা, অ’ অন্টাভা’ নামৰ আইটেম গীতটোত নৃত্য কৰি সামন্থাই উপাৰ্জন কৰিছিল ৫ কোটি টকা।
এইবাৰ ছ’চিয়েল মিডিয়া হেণ্ডেল ইনষ্টাগ্ৰামত চাহিদা বৃদ্ধি পাইছে সামান্থাৰ। মাত্ৰ এটা পোষ্টৰ বাবে দক্ষিণৰ অভিনেত্ৰীগৰাকীয়ে পাৰতোষিক হিচাপে লৈছে কোটি কোটি টকা।
তেলেগু ডট কমৰ এক প্ৰতিবেদন অনুসৰি, শেহতীয়াকৈ সামান্থাক ব্ৰিটিছ বিলাসী বাৰ্বেৰী ব্ৰেণ্ডৰ ছুইমিং পোছাকত ফ্ৰেমবন্দী কৰা হৈছিল। ব্ৰেণ্ড হাউছৰ প্ৰচাৰৰ বাবে নায়িকাগৰাকীয়ে ছবিখন ইনষ্টাগ্ৰামত পোষ্ট কৰিব লগা হৈছিল আৰু সেই পদটোৰ বাবে সামান্থাই লৈছে ৯০ লাখ টকা।
বিচ্ছেদৰ পিছৰে পৰা ছ’চিয়েল মিডিয়াত সামান্থাৰ ফেন ফ’ল’ৱাৰ বৃদ্ধি পোৱা পৰিলক্ষিত হৈছে।
তেলেগু ডট কমে কয়, ‘সামান্থাই তেওঁৰ ইনষ্টাগ্ৰাম হেণ্ডেলৰ পৰা প্ৰতিমাহে ৩ কোটি টকা উপাৰ্জন কৰে। সামান্থাৰ দলটোৱে কিছুমান ব্ৰেণ্ডৰ বাবে কনচেপ্ট তৈয়াৰ কৰি শ্বুট কৰিছিল। ইনষ্টাগ্ৰামকে ধৰি সকলো ছ’চিয়েল মিডিয়াতে যে সামান্থাৰ প্ৰভাৱ লেখত ল’বলগীয়া সেই কথা সহজেই ধৰি ল’ব পাৰি।
