বিদায় দেউতা ! বিগ্ৰেডিয়াৰ এল এছ লিড্ডাৰৰ কফিনত চুম্বন কৰি শোকত ভাগি পৰিল কন্যা

ডিজিটেল ডেস্কঃ তামিলনাডুৰ হেলিকপ্টাৰ দুৰ্ঘটনাত প্ৰাণ হেৰুৱা চিডিএছ জেনেৰেল বিপিন ৰাৱট, তেওঁৰ পত্নী মধুলিকা ৰাৱট, বিগ্ৰেডিয়াৰ এল এছ লিড্ডাৰকে ধৰি মুঠ ১২গৰাকী বিষয়া-সৈনিকৰ নশ্বৰ দেহ বৃহস্পতিবাৰে বিয়লিভাগত দিল্লীলৈ অনা হয়। ৰাজধানীৰ পালম বিমানবন্দৰত নশ্বৰ দেহসমূহ আহি পোৱাৰ পাছতেই সকলোৰে চকুত চকুপানী ভৰি পৰিছিল। জেনেৰেল ৰাৱটৰ দুগৰাকী কন্যাই পিতৃ-মাতৃৰ কফিনলৈ চাই একেথৰে ৰৈ আছিল। ৰাৱটৰ দুই কন্যা শোকত ভাগি পৰিছিল। 

আৰু পঢ়কঃ জীৱনে-মৰণে এক হৈ থকাৰ প্ৰতিশ্ৰুতি! মৃত্যু পৰ্যন্ত বিপিন ৰাৱটৰ লগ নেৰিলে পত্নী মধুলিকাই

শ্বহীদ ব্ৰিগেডিয়াৰ এল এছ লিডৰৰ কন্যা আশ্নাই তেওঁৰ দেউতাকৰ কফিনৰ কাষ চাপি অহা দৃশ্যটোৱে সকলোকে আৱেগিক কৰি তুলিছিল। কোনোৱে ধৰি ৰাখিব পৰা নাছিল দুচকুৰে বৈ অহা লোটক। আশ্নাই বিগ্ৰেডিয়াৰ পিতৃৰ নশ্বৰ দেহ থকা কফিনটোলৈ একেথৰে চাই আছিল আৰু পিতৃৰ কফিনত ধৰি কিছুসময় ৰৈ থকাৰ লগতে কান্দি কান্দি কফিনতে কেইবাবাৰো চুম্বন কৰিছিল। সেই দৃশ্য দেখি উপস্থিত সকলোৰে চকুপানীৰে ভৰি পৰিছিল। শ্বহীদ ব্ৰিগেডিয়াৰ এল এছ লিডৰৰ কন্যা আশ্না এগৰাকী দ্বাদশ শ্ৰেণীৰ ছাত্ৰী। আশ্নাই কান্দি কান্দি কৈছিল ''যোৱাগৈ দেউতা…বিদায়।''

বিমানবন্দৰত শ্বহীদ পৰিয়ালক সাক্ষাৎ প্ৰধানমন্ত্ৰী মোদীৰ

চিডিএছ জেনেৰেল বিপিন ৰাৱটকে ধৰি সকলো শ্বহীদৰ মৃতদেহ বৃহস্পতিবাৰে সন্ধিয়া ৭.৪৫ বজাত পালম বিমানবন্দৰ আহি পাইছিলহি। প্ৰধানমন্ত্ৰী নৰেন্দ্ৰ মোডী নিশা ৯ বজাত বিমানবন্দৰত উপস্থিত হয় আৰু জেনেৰেল ৰাৱটকে ধৰি সকলো শ্বহীদক শ্ৰদ্ধাঞ্জলি জ্ঞাপন কৰে। শ্বহীদসকলৰ কফিন দেখি প্ৰধানমন্ত্ৰীয়ে হাতযোৰ কৰি প্ৰণাম জনায় আৰু কিছু সময় চকু মুদি ৰৈ থাকে। মোডীয়ে শ্বহীদসকলৰ পৰিয়ালক এজন এজনকৈ লগ কৰিছিল আৰু তেওঁলোকক সাহস প্ৰদান কৰিছিল।

আৰু পঢ়কঃ দুৰ্ঘটনাৰ পাছতো জীৱিত আছিল বিপিন ৰাৱট! উদ্ধাৰকাৰীক সেহাই সেহাই কৈছিল নিজৰ নাম