ডিজিটেল ডেস্ক: ভাৰতৰ এটা ৰাজনৈতিক দলে সম্পূৰ্ণৰূপে সলনি কৰিছে ভাৰতৰ সামাজিক, অৰ্থনৈতিক তথা ৰাজনৈতিক পৰিকাঠামো৷ শেহতীয়াকৈ এই ৰাজনৈতিক দলটোৱে ভাৰতৰ গণতান্ত্ৰিক ব্যৱস্থাটোৰ ভাৱমূৰ্তি বিনষ্ট কৰাৰো প্ৰচেষ্টা চলাইছে৷ সংবাদ মাধ্যমৰ সন্মুখত বিৰোধীৰ বিপক্ষে মন্তব্য দিয়া দলটোৰ নেতাসকলে জনতাৰ চকুৰ আঁৰত বিৰোধীক টকাৰে প্ৰলোভিত কৰে৷ দেশত অৰ্থনৈতিক বিপৰ্যয় চলি থকাৰ সময়তো ভোটৰ বিনিময়ত বিৰোধী নেতাক আগবঢ়োৱা হয় কোটি কোটি টকা!
ভাৰতবৰ্ষৰ গণতান্ত্ৰিক ব্যৱস্থাক লৈ সকলোৱে গৰ্ব কৰাৰ সময়তে ৰাজস্থানৰ মন্ত্ৰী ৰাজেন্দ্ৰ গুদ্ধায়ে পোহৰলৈ আনিছে এক ভয়ংকৰ তথ্য। কিছুদিন পূৰ্বে হৈ যোৱা ৰাজ্যসভাৰ নিৰ্বাচনত এজন বিশেষ প্ৰাৰ্থীক ভোটদানৰ বাবে তেওঁক যচা হৈছিল মোটা অংকৰ ধন৷ ৰাজেন্দ্ৰ গুদ্ধাৰ এটা ভোটৰ বিনিময়ত যচা হৈছিল ২৫ কোটি টকা।
আনফালে, বহুজন সমাজ পাৰ্টীৰ পৰা কংগ্ৰেছ দললৈ গমন কৰা ৰাজেন্দ্ৰ গুদ্ধাক মুখ্যমন্ত্ৰী অশোক গেহলটৰ বিৰুদ্ধে সৃষ্টি হোৱা বিদ্ৰোহৰ সময়ত তেওঁক ৬০ কোটি টকাৰ উৎকোচ দিব বিচাৰিছিল৷
ৰাজেন্দ্ৰ গুদ্ধায়ে সেই দুই উপঢৌকন নাকচ কৰিছিল। আনহাতে এনে অভিযোগ উত্থাপন কৰোঁতে তেওঁ পোনপটীয়াকৈ কোনো নেতাৰ নাম লোৱা নাই৷
এখন ব্যক্তিগত বিদ্যালয়ত অনুষ্ঠিত এক অনুষ্ঠানত কংগ্ৰেছ দলক প্ৰতিনিধিত্ব কৰি যোগদান কৰাৰ সময়তে ৰাজেন্দ্ৰ গুদ্ধায়ে এই ভয়ংকৰ অভিযোগ উত্থাপন কৰে৷
কালি ৰাজেন্দ্ৰ গুদ্ধায়ে মন্তব্য কৰিছিল যে, এজন ব্যক্তিক ভোট দিবৰ বাবে মোক ২৫ কোটি টকা যচা হৈছিল৷ আৰু মই পত্নীৰ পৰামৰ্শ লৈছিলোঁ৷
Continue Reading
