ডিজিটেল ডেস্কঃ অমিতাভৰ নতুন আউটফিট দেখি থতমত খাইছে নেটিজেনে। কৌন বনেগা কোড়ৰপতি আৰম্ভ হ’বলৈ ওলাইছে। অমিতাভে সেই চেটৰ পৰাই এখন ছবি পোষ্ট কৰিছে। তাৰপাছতেই হতবাক সকলো। অমিতাভৰ পোছাক দেখি নেটিজেনৰ মাজত উঠিছে হাঁহিৰ ৰোল। অমিতাভে এয়া কি পোছাক পৰিধান কৰিছে? আচম্বিত অনুৰাগী।
সাধাৰণতে, কৌন বনেগা কোড়ৰপতিৰ মঞ্চত ব্লেজাৰৰ সৈতে ফৰ্মেল পোছাক পৰিধান কৰাই দেখা যায় বিগ বি অমিতাভক। মাজে মাজে পৰিধান কৰে কেজুৱেল পোছাক। পিছে, এনে আচৰিত পোছাকত প্ৰথমবাৰলৈ দেখিবলৈ পোৱা গৈছে বিগ-বিক।
ছবিখন পোষ্ট কৰি অমিতাভে লিখিছে, ‘পিন্ধিবলৈ এটা পায়জামা দিয়া হৈছে, পোছাকলৈ চাই মনে ধৰিছে যেন শাৰী কাটিহে প্ৰস্তুত কৰা হৈছে এই পোছাক। সমুখৰ পিনে সৰু পকেট আৰু পিছফালে ৰছী।’ ছবিত দেখিবলৈ পোৱা অনুসৰি হাৰেম পেণ্টৰ সৈতে জেকেট পিন্ধিছে বলীউড শ্বেহেনশ্বাহে। বিগ বিৰ এই ৰূপ দেখি অস্বস্তিত ভুগিছে জীয়ৰী শ্বেতা নন্দা। ছ’চিয়েল মিডিয়াত অনুৰাগীসকলে অমিতাভক প্ৰশ্ন কৰিছে, ‘আপোনাৰ ফেশ্বন আইকন ৰণবীৰ সিং নেকি?’
অনুৰাগীৰ এই প্ৰশ্নৰ কি উত্তৰ বা দিয়ে বিগ বিয়ে সেয়াহে হৈ পৰিছে অতি লক্ষ্যণীয় বিষয়!
