বিৰিয়ানি সঁচাকৈয়ে প্ৰিয় ভাৰতীয়ৰ! সমীক্ষায়ো তাকে ক’লে...

ডিজিটেল ডেস্কঃ ‘বিৰিয়ানি’- এইবিধ খাদ্যৰ নাম শুনিলেই প্ৰায়সংখ্যক মানুহৰ জিভাপানী পৰে! ভাৰতৰ খাদ্য সম্ভাৰতো বিৰিয়ানিয়ে বৰ্তমান সুকীয়া স্থান দখল কৰিছে৷ বিৰিয়ানি খাদ্য-সংস্কৃতি আৰম্ভ হৈছিল মধ্য প্ৰচ্যৰ দেশসমূহ পৰাই আৰু পৰৱৰ্তী সময়ত মোগল ভাৰতত অহাৰ পাছত এই খাদ্য সকলোৰে মাজত প্ৰিয় হৈ পৰিছিল৷

এক জনশ্ৰুতি অনুসৰি তুৰ্ক-মঙ্গোল বিজয়ী তিমুৰে ১৩৯৮চনত ভাৰতৰ সীমাত উপস্থিত হোৱাৰ সময়তে তেওঁ বিৰিয়ানি লৈ আহিছিল, তেতিয়াৰ পৰাই এই খাদ্য ভাৰতত জনপ্ৰিয় হৈ পৰিছিল বিৰিয়ানি হৈছে ভাৰতীয়সকলৰ প্ৰিয় ব্যঞ্জনবোৰৰ ভিতৰত এটা। এই তথ্য প্ৰকাশ পাইছে, খাদ্য প্ৰদানকাৰী সংস্থা ছুইগীত৷ ছুইগীয়ে তেওঁলোকৰ বাৰ্ষিক প্ৰতিবেদন কাৰ্ড মুকলি কৰিছে৷

তেওঁলোকৰ প্ৰতিবেদন কৈছিল যে, ভাৰতীয়সকলে ২০২১ চনত প্ৰতি ৬০ ছেকেণ্ডত প্ৰায় ১১৫ প্লেট বিৰিয়ানি অৰ্ডাৰ কৰিছিল। ছুইগীয়ে এই বিষয়টোৰ বিৱৰণ দি টুইটাৰত এটা পোষ্ট পোষ্ট কৰিছিল। তাত তেওঁলোকে লিখিছিল, “২০২১ চনত মুঠ ৬৪.৪৪ নিযুত বিৰিয়ানি অৰ্ডাৰ দিয়া হৈছিল। ২০২০ চনত প্ৰতি মিনিটত প্ৰায় ৯০ প্লেট বিৰিয়ানি অৰ্ডাৰ কৰা হৈছিল, সেই অভিলেখ ২০২১ চনত অতিক্ৰম কৰিলে৷”