ডিজিটেল ডেস্কঃ কংগ্ৰেছ নেতা ৰাহুল গান্ধীৰ আমেৰিকা ভ্ৰমণ সন্দৰ্ভত বিজেপিয়ে অহৰহ আক্ৰমণ চলাই আহিছে । বিজেপিয়ে অভিযোগ যে ৰাহুল গান্ধীয়ে আমেৰিকা ভ্ৰমণৰ সময়ত শিখ সন্দৰ্ভত বিতৰ্কিত বক্তব্য দিছিল। আজি অৰ্থাৎ ৰাহুল গান্ধীয়ে বিজেপিৰ অভিযোগ সন্দৰ্ভত স্পষ্টীকৰণ দিলে।
ৰাহুল গান্ধীয়ে ছ’চিয়েল মিডিয়া এক্সত লিখিছে- ‘‘আমেৰিকাত মোৰ মন্তব্যক লৈ বিজেপিয়ে মিছা প্ৰচাৰ কৰিছে। ভাৰত আৰু বিদেশত বসবাস কৰা প্ৰতিজন শিখ ভাই-ভনীক সুধিব বিচাৰো – মই কোৱা কথাখিনিত কিবা ভুল আছে নেকি? ভাৰত এনে এখন দেশ হ’ব নালাগেনে য’ত প্ৰতিজন শিখ আৰু প্ৰতিজন ভাৰতীয়ই কোনো ভয় নোহোৱাকৈ নিজৰ ধৰ্ম পালন কৰিব পাৰে?’’
বিজেপিক আঙুলি টোঁৱাই ৰাহুল গান্ধীয়ে অভিযোগ কৰে যে বিজেপিয়ে সত্য সহ্য কৰিব নোৱাৰাৰ বাবেই বিজেপিয়ে মিছাৰ আশ্ৰয় লৈ তেওঁক নীৰৱ কৰিব বিচাৰিছে। অৱশ্যে ৰাহুল গান্ধীয়ে স্পষ্ট কৰি দিয়ে যে তেওঁ সদায় ভাৰতৰ মূল্যবোধ - বৈচিত্ৰ্য, সমতা আৰু প্ৰেমৰ ঐক্যৰ বাবে মাত মাতি থাকিব।
Continue Reading
