বিকী-কেটৰিনাৰ বিয়াই ৰুধিছে ভগৱানৰো বাট! কিহৰ গোচৰে চেলিব্ৰিটীৰ বিয়ালৈ নমাইছে বিষাদ?

ডিজিটেল ডেস্ক: কৈ থাকিলে যেন ওৰকে নপৰে বিকী-কেটৰিনাৰ কথা৷ বিকী-কেটৰ বিয়াৰ দিন ওচৰ চাপি অহাৰ লগে-লগে নতুন নতুন খবৰে গৰম কৰি ৰাখিছে অনুৰাগীসকলক৷ বিয়াখনক লৈ ভিন্ন বিষয়ত খেলি-মেলি। হৈ গ’লেই ৰক্ষা! এতিয়া যেন এনেকুৱাই অনুভৱ বহুতৰ বাবে। বিয়াকেন্দ্ৰিক চিন্তাই টোপনি হৰিছে ৰাজস্থান প্ৰশাসনৰ। পিছে অত্যধিক সুৰক্ষা বিচাৰি বিপদতহে পৰিল বলীউড যুটিটো। বিয়াৰ প্ৰাকক্ষণত বিকি-কেটৰিনাৰ বিৰুদ্ধে ৰুজু হৈছে গোচৰ।

বলীউডত এতিয়া চিনেমাতকৈয়ো যেন অধিক চৰ্চিত বিকী কৌশল আৰু কেটৰিনা কাঈফৰ বিয়াৰ কথা। সংবাদমাধ্যমৰ পৰা আঁতৰি ফুৰা বিকী-কেটে সংগোপনে পাতিব বিচাৰিছে বিয়া। ৰাজস্থানৰ ছাৱাই মাধোপুৰ জিলাৰ ছিক্স ছেনছেছ ফ’ৰ্ট বাৰৱাৰাত অনুষ্ঠিত হ’বলগীয়া বিয়াখনৰ সুৰক্ষাক লৈ ভীষণ ব্যস্ত জিলা প্ৰশাসন। পানী নসৰকা সুৰক্ষা বিচাৰি বিপদহে চপাই লৈছে বিকী-কেটৰিনাই। ৰাজস্থানৰ এগৰাকী উকীলে বিকী আৰু কেটৰিনাৰ বিৰুদ্ধে আৰক্ষীৰ ওচৰত এক অভিযোগ দাখিল কৰিছে। অভিযোগনামাত বিকী-কেটৰিনাৰ বিবাহস্থলী ছিক্স ছেনছেছ ফ’ৰ্টৰ নামো উল্লেখ আছে। উকীলগৰাকীয়ে দাখিল কৰা অভিযোগ অনুসৰি বিকী-কেটৰ বিয়াৰ বাবে ৬ ডিচেম্বৰৰ পৰা ১২ ডিচেম্বৰ পৰ্যন্ত চৌথ মাতা মন্দিৰলৈ যোৱা পথ বন্ধ কৰি ৰখা হৈছে।

ভিভিআইপিৰ পথ মসৃণ কৰাৰ বাবে সদায়েই দুৰ্ভোগ ভুগি আহিছে ভাৰতৰ সাধাৰণ জনতাই। এখন বিয়াৰ বাবে সাধাৰণ ৰাইজে যাতনা ভোগাটো কিমান সমিচীন?