ডিজিটেল ডেস্ক: আহমেদাবাদৰ নৰেন্দ্ৰ মোদী ষ্টেডিয়ামত চলি থকা ভাৰত-অষ্ট্ৰেলিয়াৰ ফাইনেলৰ সময়ত পেট কামিন্সৰ দ্বাৰা আউট হোৱাৰ পাছত বিমৰ্ষ-বিষণ্ণ হৈ পৰিছিল বিৰাট কোহলী।
ৰোহিত শৰ্মা, শুভমন গিল আৰু শ্ৰেয়স আয়াৰৰ উইকেট হেৰুওৱাৰ পাছত কোহলীয়ে ৬৩টা বলত ৫৪ ৰাণৰ ইনিংছ খেলি ভাৰতীয় ইনিংছ স্থিৰ কৰি ৰাখিছিল। কোহলীৰ এয়া আছিল নৱম ফিফটি-প্লাছ স্ক’ৰ। খেলখন আৰম্ভ হোৱাৰ পূৰ্বে কোহলীয়ে ক্ৰিকেট কিংবদন্তি শচীন তেণ্ডুলকাৰৰ ‘১০’ নম্বৰৰ জাৰ্চী লাভ কৰে।
মাষ্টাৰ-ব্লাষ্টাৰে তেওঁৰ নীলা জাৰ্চি প্ৰেৰণ কৰিছিল, যিটো তেওঁ ২০১২ত পাকিস্তানৰ বিৰুদ্ধে তেওঁৰ অন্তিমখন এদিনীয়া খেলত পিন্ধিছিল।
ভাৰতীয় ক্ৰিকেট নিয়ন্ত্ৰণ বোৰ্ডে তেওঁলোকৰ অফিচিয়েল এক্স (পূৰ্বতে টুইটাৰ) একাউণ্টত কোহলীয়ে কিংবদন্তিৰ জাৰ্চি লাভ কৰাৰ মুহূৰ্তটোৰ ফটো শ্বেয়াৰ কৰিছিল।
ইয়াৰ পূৰ্বে বুধবাৰে কোহলীয়ে শচীন তেণ্ডুলকাৰক অতিক্ৰম কৰি এদিনীয়া ক্ৰিকেটৰ ইতিহাসত ৫০টা শতক অৰ্জন কৰা প্ৰথমজন খেলুৱৈ হিচাপে পৰিগণিত হয়।
নিউজিলেণ্ডৰ বিৰুদ্ধে প্ৰথমখন ছেমিফাইনেল খেলত বিৰাটে ১১৩ টা বলত ১১৭ ৰাণ সংগ্ৰহ কৰে। তেওঁৰ ইনিংছটোত নটা চাৰি আৰু দুটা ছয় আছিল। বিৰাটে ১০৩তকৈ ওপৰৰ ষ্ট্ৰাইক ৰেটত তেওঁৰ ৰাণ সংগ্ৰহ কৰিছিল।
ইতিমধ্যে ভাৰতৰ প্ৰাক্তন অধিনায়কজনে ক্ৰিকেট বিশ্বকাপ সংস্কৰণত সৰ্বাধিক ৰাণ সংগ্ৰহ কৰিছে৷
Continue Reading
