ডিজিটেল ডেস্ক: মহাৰাষ্ট্ৰ বিধানসভা নিৰ্বাচনৰ পূৰ্বে একনাথ শিণ্ডেৰ মন্ত্ৰীসভাই এটা গুৰুত্বপূৰ্ণ সিদ্ধান্ত গ্ৰহন কৰিছে। মুম্বাইত প্ৰৱেশ কৰা পাঁচোটা টোল গেটতে লঘু মটৰ গাড়ীৰ পৰা টোল কৰ সংগ্ৰহ কৰা নহ’ব। সোমবাৰৰ নিশা অৰ্থাৎ আজিৰ পৰা কাৰ্যকৰী হ’ব এই ব্যৱস্থা।
আচলতে সোমবাৰে ৰাজ্যৰ মন্ত্ৰীসভাৰ এখন গুৰুত্বপূৰ্ণ বৈঠক অনুষ্ঠিত হয়, অনুমান কৰা হৈছে যে এইখন মহাৰাষ্ট্ৰ বিধানসভাৰ সৈতে শিণ্ডে মন্ত্ৰীসভাৰ অন্তিমখন বৈঠক। বৈঠকত লঘু বাহন চালকৰ সপক্ষে এটা গুৰুত্বপূৰ্ণ সিদ্ধান্ত লোৱা হয়। সোমবাৰে নিশা মাজনিশা ১২ বজাৰ পিছত বাশী, আইৰ’লি, মুলুণ্ড, দহিছাৰ আৰু আনন্দনগৰ টোলগেত লঘু বাহনৰ পৰা কৰ আৰোপ কৰা নহ’ব।
লঘু বাহনসমূহৰ ভিতৰত টেক্সি, জীপ, ভান, সৰু ট্ৰাক, ডেলিভাৰী ভান ইত্যাদি। অৰ্থাৎ আজি ৰাতি ১২ বজাৰ পিছত মুম্বাইলৈ অহা লঘু বাহনসমূহে টোল কৰৰ পৰা সকাহ পাব ৷ এই সন্দৰ্ভত মহাৰাষ্ট্ৰৰ শিণ্ডে চৰকাৰৰ মন্ত্ৰী দাদাজী ভূছে কয়, "মুম্বাইত প্ৰৱেশৰ সময়ত দহিছাৰ টোল, আনন্দ নগৰ টোল, বৈশালী, আয়াৰোলি আৰু মুলুণ্ডকে ধৰি ৫ টা টোল প্লাজা আছে। ৪৫ টকা আৰু ৭৫ টকাকৈ পূৰ্বে এই টোলসমূহত চাৰ্জ লোৱা হৈছিল। ইয়াৰে প্ৰায় ৭০ লাখ গধুৰ বাহন আছিল, আৰু এতিয়া চৰকাৰে লঘু বাহনসমূহক ইয়াৰ পৰা ৰেহাই দিয়াৰ সিদ্ধান্ত লৈছে বহু মাহ ধৰি এই কাম চলি আছে আৰু আজি এই গুৰুত্বপূৰ্ণ সিদ্ধান্ত লোৱা হ’ল ।
Continue Reading
