ডিজিটেল ডেস্ক: উত্তৰ প্ৰদেশৰ ললিতপুৰত সংঘটিত হয় এক চাঞ্চল্যৰ ঘটনা ।যাত্ৰীবাহী ৰে’লৰ জৰুৰীকালীন খিৰিকীৰ পৰা ৮ বছৰীয়া শিশু বাগৰি পৰে ৷ ৰে’লখন ১০ কিলোমিটাৰ আগুৱাই যোৱাৰ পিছত পিতৃয়ে লক্ষ্য কৰে যে কন্যাজনী আসনত নাই ৷ৰাতি ৰে’লখন ৰখাই হাবিত তেওঁলোকে সন্ধান আৰম্ভ কৰে। এই সন্দৰ্ভত তথ্য পোৱাৰ লগে লগে ললিতপুৰ ৰে’লৱে আৰক্ষীৰ লোকে উদ্ধাৰ অভিযান চলাই নিশাৰ আন্ধাৰত শিশুটিক উদ্ধাৰ কৰে আৰু আহত শিশুটিক মালবাহী ট্ৰেইন এখেনৰে ষ্টেচনলৈ অনা হয়। শিশুটিৰ ভৰিখন আঘাতপ্ৰাপ্ত হোৱাৰ বাবে খোজ কঢ়াত যথেষ্ট অসুবিধাৰ সন্মুখীন হৈছে ।
মথুৰা জিলাৰ ব্ৰাধৱনৰ ৰঙানাথ মন্দিৰৰ বাসিন্দা অৰবিন্দ তিৱাৰীয়ে পত্নী আৰু ৮ বছৰীয়া কন্যা সন্তানৰ সৈতে মধ্যপ্ৰদেশৰ নিজৰ গাঁও টিকামগড়লৈ গৈছিল। শিশুটি ৰে’লৰ খিৰিকীৰ ওচৰত বহি আছিল আৰু ৰেলৰ খিৰিকীখন খোলা আছিল। প্ৰচণ্ড বতাহৰ বাবে খিৰিকীৰে বাহিৰলৈ বাগৰি পৰে ছোৱালীজনী। ছোৱালীজনীয়ে দুঘণ্টা ধৰি জোপোহাৰ মাজত কান্দি কান্দি মাক-দেউতাকক মাতিয়েই থাকিল।
অৱশেষত শিশুটিক শিশুটিক উদ্ধাৰ কৰা হ’ল ৷ জোপোহাৰ পৰা উদ্ধাৰ কৰাৰ পিছত ৰে’লৱে আৰক্ষীৰ লোকে পাৰ হৈ যোৱা এখন মালবাহী ট্ৰেইন ৰখাই দিয়ে। কন্যাসহ পৰিয়ালটো এখন মালবাহী ট্ৰেইনত উঠি ললিতপুৰ ৰে’ল ষ্টেচন পালেহি। প্ৰথমে শিশুটিক ষ্টেচনতে চিকিৎসা প্ৰদান কৰাৰ পিছতে জিলা চিকিৎসালয়লৈ লৈ যোৱা হয়। য'ত ছোৱালীজনীৰ ভৰিত প্লাষ্টাৰ লগাই শনিবাৰে পুৱাই তেওঁক জিলা চিকিৎসালয়ত ভৰ্তি কৰোৱা হয়। পিছদিনা ডিচচাৰ্জ হোৱাৰ পিছত দেওবাৰে সন্ধিয়া ঘৰলৈ উভতে।
Continue Reading
