বিপিন ৰাৱটৰ বাবেই ইছলাম ধৰ্ম ত্যাগ কৰিলে চিত্ৰনিৰ্মাতা আলী আকবৰে!

ডিজিটেল ডেস্কঃ মালায়ালাম চলচ্চিত্ৰ নিৰ্মাতা আলী আকবৰ আৰু তেওঁৰ পত্নী লুচিম্মাই হিন্দু ধৰ্ম গ্ৰহণ কৰিব। আকবৰে সামাজিক মাধ্যমৰ যোগেদি ব্যক্ত কৰিছে যে, ছ’চিয়েল মিডিয়া প্লেটৰ্ফমত বহুতো মুছলমান সম্প্ৰদায়ৰ লোকে হেলিকপ্টাৰ দুৰ্ঘটনাত প্ৰতিৰক্ষা কৰ্মচাৰী(চিডিএছ)ৰ প্ৰধান জেনেৰেল বিপিন ৰাৱটৰ মৃত্যু সম্পৰ্কীয় কিছু আপত্তিজনক পোষ্ট আৰু স্মাইলি ইম’জিৰে প্ৰতিক্ৰিয়া কৰাৰ বাবে তেওঁৰ ইছলামৰ এপৰত একেবাৰে বিশ্বাস হেৰাই গৈছে, যাৰ বাবে তেওঁ এই সিদ্ধান্ত গ্ৰহণ কৰিছে৷

চিত্ৰনিৰ্মাতাগৰাকীয়ে লগতে কয় যে, ইছলামৰ শীৰ্ষ নেতাসকলেও এজন সাহসী সামৰিক বিষয়াক অসন্মান কৰি বিভিন্ন পোষ্ট কৰিছে৷ আনকি জ্ঞানীসকলেও 'দেশবিৰোধী'ৰ এনেকাৰ্যৰ বিৰোধিতা কৰা নাই। তেওঁ কৈছিল যে, ধৰ্মৰ ওপৰত বিশ্বাস হেৰুৱাইছে আৰু ইছলাম ধৰ্ম ত্যাগ কৰাৰ এয়াই উপযুক্ত সময়৷

উল্লেখ্য যে, আকবৰে ইছলামধৰ্মী কুৰ্টা-পাইজামা দলিয়াই দিছে আৰু কোনেও যাতে তেওঁক ইছলাম সম্প্ৰদায়ৰ লোক বুলি পৰিচয় নিদিয়ে তাৰ বাবে তেওঁ এতিয়া সকলোকে অনুৰোধ কৰিছে, এতিয়াৰ পৰা তেওঁ এজন ভাৰতীয়৷ আলী আকবৰৰ এতিয়াৰ পৰা নতুন পৰিচয় হ’ব ৰামসিংহ৷ এতিয়াৰ পৰা তেওঁক ৰামসিংহ বুলি মাতিলেই ভাল পাব।