বিস্ময়কৰ! ৭৩ বছৰীয়া মহিলাৰ গৰ্ভত পোৱা গৈছে ৩৫ বছৰীয়া 'শিলৰ কেঁচুৱা'!

ডিজিটেল ডেস্কঃ এই পৃথিৱীত কেতিয়াবা বহু আজৱ কাহিনী সংঘটিত হয়। এইবাৰ এক আজৱ কাহিনী সংঘটিত হৈছে আলজেৰিয়াত। এগৰাকী ৭৩ বছৰীয়া আলজেৰিয়ান মহিলাৰ পেটৰ পৰা বাহিৰ কৰা হৈছে এটি stone baby অৰ্থাৎ 'শিলৰ কেঁচুৱা'। ৩৫ বছৰ ধৰি এই মানৱ ভ্ৰুণটো মহিলাগৰাকীৰ পেটত সোমাই আছিল। কিন্তু এই ভ্ৰুণটোৱে মানুহৰ ভ্ৰুণৰ পৰা লাহে লাহে শিলৰ ৰূপ লয়। মহিলাগৰাকীয়ে পেটৰ বিষত ৰ'ব নোৱাৰি চিকিৎসকৰ কাষ চাপে। চিকিৎসকে এক্স-ৰে কৰাৰ পিছত গম পাই যে মহিলাগৰাকীৰ গৰ্ভত এটা ভ্ৰুণ আছে। ৪.৫ পাউণ্ড ওজনৰ সাত মাহৰ ভ্ৰুণটো ৩৫ বছৰ ধৰি মহিলাগৰাকীৰ পেটতে সোমাই থাকে।

ইমান বছৰে কিন্তু তাৰপৰা মহিলাগৰাকীয়ে একো অসুবিধা পোৱা নাছিল। এই ভ্ৰূণটোৱে তেওঁৰ একো ক্ষতি কৰাও নাছিল। কিন্তু শেহতীয়াকৈ হঠাতে তেওঁ গুৰুতৰ পেটৰ বিষত ভূগে। এই পেটৰ বিষেই সকলোকে আচৰিত কৰি তুলিব পৰা এক বিস্ময়কৰ তথ্য উন্মোচন কৰে। চিকিৎসা বিজ্ঞানত এই বিসংগতিক 'লিথোপেডিয়ন' বুলি কোৱা হয়। যেতিয়া গৰ্ভধাৰণ প্ৰক্ৰিয়া জৰায়ুৰ পৰিৱৰ্তে পাকস্থলীত গঠন হয় তেতিয়া এনেদৰে বিসংগতিৰ সৃষ্টি হয়।

সাধাৰণতে যেতিয়া গৰ্ভাৱস্থাত তেজৰ যোগান নাথাকে তেতিয়া ভ্ৰূণটো বিকশিত নহয়, যাৰ ফলত শৰীৰে ভ্ৰূণটো বাহিৰ কৰাৰ কোনো উপায় নাথাকে। ইয়াৰ পাছত শৰীৰে ৰোগ প্ৰতিৰোধ প্ৰক্ৰিয়া ব্যৱহাৰ কৰি লাহে লাহে ভ্ৰূণটো শিললৈ ৰূপান্তৰ কৰে। সেইকাৰণে মহিলাগৰাকীৰ পেটত পোৱা ভ্ৰূণটোক 'শিলৰ কেঁচুৱা' বা stone baby বুলি কোৱা হৈছিল। উল্লেখ্য যে শিলৰ কেঁচুৱা কঢ়িয়াই লৈ ফুৰা ৭৩ বছৰীয়া মহিলাগৰাকীৰ পৰিচয় গোপনে ৰখা হৈছে।

আৰু পঢ়কঃ সঁচাকৈয়ে তাজমহলৰ শ্ৰমিকৰ হাত কাটিছিল নেকি শ্বাহজাহানে? মোদীৰ কাৰ্যক লৈ সৰৱ চৰ্চা